Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Fa ye na amolenge ti mo

 CHAPITRE 9

Jérémie asara lakue tënë ti Jéhovah na azo

Jérémie asara lakue tënë ti Jéhovah na azo

Azo asara ngonzo na tere ti Jérémie ngbanga ti nyen?

éhovah abata Jérémie

A si ka so azo ayeke he e wala asara ngonzo tongana e yeke sara tënë ti Jéhovah na ala. Ye so alingbi ti sara si e zi yanga encore ape. Mara ti ye tongaso asi na mo awe?— Bible asara tënë ti mbeni molenge-koli so aye Jéhovah, me so a ngbâ kete lo zia lege ti sara tënë ti Nzapa na azo. Iri ti lo ayeke Jérémie. Zia e manda ambeni ye na ndo ti lo.

Lani so Jérémie ade maseka, Jéhovah atene na lo ti tene na azo ti zia ti sara aye ti sioni. A yeke lani ngangu na Jérémie, nga mbeto asara lo. Ni la lo tene na Jéhovah: ‘Mbi hinga ye so mbi peut ti tene ape. Mbi ngbâ kete mingi.’ Me Jéhovah atene: ‘Sara mbeto ape. Mbi yeke mû maboko na mo.’

Tongaso, Jérémie ague atene na azo ni lo tene so tongana ala changé ape, Nzapa  ayeke punir ala. Mo pensé azo ni asara ye so Jérémie atene na ala so la?— Ala sara ni ape. Ala he lo, nga ambeni asara ngonzo mingi na tere ti lo. Ambeni même agi ti fâ lo lani. Ye so asara nyen na Jérémie?— Mbeto asara lo si lo tene: ‘Mbi yeke sara tënë na iri ti Jéhovah encore ape.’ Lo kanga yanga ti lo vraie?— Ên-ën. So lo ye Jéhovah mingi so, lo kanga yanga ti lo ape, lo ngbâ ti fa tënë ti lo. Ni la Jéhovah abata lo na fini.

Bâ na tapande, mbeni lâ ambeni sioni koli abi Jérémie na yâ ti kota dû ti ngu so popoto asi yâ ni. Ala mû na lo ngu ape, ala mû nga na lo kobe ape. Akoli so aye gi ti tene Jérémie akui kâ. Me Jéhovah asara si Jérémie asigigi na yâ ti dû ni.

Mo yeke sara tongana nyen ti fa so mo sara ye tongana Jérémie?— A si ka lani so Jérémie asara mbeto. Me ye so akanga lege na lo ape ti sara tënë ti Jéhovah. Mo nga kue, tongana mo sara tënë ti Jéhovah na azo, peut-être ala yeke he mo wala ala yeke sara ngonzo na tere ti mo, na hinga ape kamene wala mbeto asara mo. Me ngbâ lakue ti sara tënë ti Jéhovah na azo. Lo yeke mû lakue maboko na mo tongana ti so lo sara lani na Jérémie.

DIKO NA YÂ TI BIBLE TI MO

  • Jérémie 1:4-8; 20:7-9; 26:8-19, 24; 38:6-13