Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible afa nyen biani?

A yeke ye so Nzapa aleke lani ti sala la?

A yeke ye so Nzapa aleke lani ti sala la?

MÛ MBENI mbeti-sango mo diko. Zi télé ti bâ aye so a yeke fa ni, wala zi radio ti mä. Fade mo yeke bâ so asango ni mingi ayeke fa gi tënë ti fango zo, bira, asioni zo so ayeke lï na ngombe na da ti amba ti ala ti gbu aye ti ala na ngangu, azaragina na awabingo kpale so a hiri ala aterroriste. Fadeso, zia aye so nde na gbu li gi na ndo ti aye so ayeke ga na mo agingo bê. Peut-être kobela wala kuâ ti mbeni zo ti mo ayeke sala si mo duti na vundu mingi. Akpale so alingbi ti sala si bibe ti mo ague oko na ti Job, nzoni zo so atene giriri: “Mawa a hon ndo ti mbi awe!”—Job 10:15, Tene ti Nzapa, Kozo Mbouki.

Hunda tele ti mo:

  • A yeke ye so Nzapa aleke lani teti mbi na azo kue ti sese la?
  • Ndo wa la mbi lingbi ti kpe dä ti wara mungo maboko ti tara ti hon ndo ti akpale ti mbi?
  • Mbeni kete beku tongaso ayeke dä teti e ti bâ mbeni lâ siriri na ndo sese kue?

Na ndo ahundango tënë so, Bible amû akiringo tënë so adë bê ti zo biani.

BIBLE AFA SO FADE NZAPA AYEKE GBIAN AYE NA NDO TI SESE TI GA TONGASO.

Mbeni mbakoro koli so akiri aga maseka

“Fade lo mbô ngule kue na lê ti ala, na kui ayeke mbeni pëpe. Vundu, wala toto, wala sana, ayeke mbeni pëpe teti kozo ye ni ahon awe.”—Apocalypse 21:4


Mbeni molenge-wali so gere ti lo abuba akiri akpe loro

“Fade zo so azin ahulu tongana tagba.”—Esaïe 35:6


Mbeni waziba akiri abâ ndo

“Fade lê ti awaziba alungula.”—Esaïe 35:5


Mbeni wali ayeke na kota ngia ti bâ so mbeni zo ti lo akiri na fini

“Azo kue so ayeke na dukua, fade…ala sigigi.”—Jean 5:28, 29


Mbeni molenge ti koli so kobela asara lo akiri awara nzoni seni

“Fade wakodoro atene pëpe, Mbi yeke na kobela.”—Esaïe 33:24


Le-kobe na ayaka

“Fade le-kobe ayeke mingi na sese na li ti ahoto.”—Psaume 72:16


WARA YE TI NZONI NA LEGE TI YE SO BIBLE AFA

Akoli use so ayeke manda Bible

Dë kite hio pëpe na aye so a fa so, na tene pëpe so a yeke gi senge bango li la. A yeke Nzapa si amû zendo ti ga na aye so, na Bible afa tongana nyen lo yeke sala ande ni.

Me Bible asala mingi ahon so. Lo yeke mû lege na zo ti duti na mbeni fini so amû ngia na lo biani, même fadeso. Gbu li gi kete na ndo akpale nga na atënë so aga na mo agingo bê, na tapande akpale ti nginza, ti sewa, ti seni wala tënë ti kuâ ti mbeni zo ti mo. Bible alingbi ti mû maboko na mo ti hon ndo ti akpale laso, na lo lingbi ti mû dengo bê na lege so lo kiri tënë na ahundango tënë tongana ti so:

  • Ngbanga ti nyen e yeke bâ pasi?
  • Tongana nyen e lingbi ti zia si agingo bê ti fadeso ahon ndo ti e pëpe?
  • Ye nyen e lingbi ti sala ti tene sewa ti e awara ngia ahon ti kozo?
  • Ye nyen ayeke si na e na peko ti kuâ?
  • E lingbi mbeni lâ ti kiri ti wara tele na azo ti e so akui?
  • Tongana nyen e lingbi ti hinga biani so azendo so Nzapa amû teti kekereke ayeke ga ande gi tâ tënë?

Gi so mo yeda ti diko buku so, a fa awe so mo ye ti hinga aye so Bible afa. Buku so ayeke mû ande maboko na mo na lege so. Bâ so na gbe ti alembeti ti chapitre oko oko, a zia ahundango tënë teti paragraphe oko oko. Kode so aTémoin ti Jéhovah ayeke sala na kusala na yâ mandango ye ti ala na azo, ti hunda tënë na ala na ti zia ala kiri tënë, ayeke mbeni ye so anzere na azo kutu mingi. E pensé so mo nga kue a yeke nzere na mo. Zia deba nzoni ti Nzapa aduti na ndo mo na ngoi so mo yeke manda na ngia nga na nzerengo tele ye so Bible afa biani.

HINGA BIBLE TI MO NZONI

Bible

BIBLE ayeke na ambeti 66. A kangbi yâ ti mbeti oko oko ti yâ ni na chapitre nga na versê; ye so ayeke ti mû lege na zo ti wara hio mbeni tënë tongaso ti Bible. Tongana a fa aversê na yâ ti buku so, kozo numéro ti versê ni ayeke fa chapitre ti mbeti ti Bible so a mû ni dä, na use numéro ni ayeke fa versê ni. Na tapande, tongana mo bâ a zia “2 Timothée 3:16”, a ye ti tene use mbeti ti Timothée, chapitre 3, versê 16.

Tongana mo yeke gi na yâ ti Bible ti mo aversê so a zia na yâ ti mbeti so, mo yeke ninga ande pëpe ti hinga Bible nzoni. Nga, ngbanga ti nyen mo leke pëpe mbeni kapa ti dikongo Bible lâ na lâ? Tongana lango oko oko mo yeke diko chapitre ota ti si na oku tongaso, mo lingbi ti hunzi dikongo Bible kue na yâ ti ngu oko.

TI HINGA AMBENI TËNË

E yeke manda Bible na azo tongana nyen?

Na ndo ti sese kue, azo ahinga aTémoin ti Jéhovah tongana azo so ayeke manda Bible na azo senge senge. Bâ tongana nyen a yeke sara ni.