Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Bible afa nyen biani?

AMBENI TËNË TI BÂ NA NDO NI

Prophétie ti Daniel afa tënë ti gango ti Messie

Prophétie ti Daniel afa tënë ti gango ti Messie

PROPHÈTE Daniel ato nda ti kusala ti lo giriri, na ngu 500 ahon na pekoni kue si a ga ti dü Jésus. Atâa so kue, Jéhovah afa na Daniel ambeni ye so ayeke mû lege na azo ande ti hinga na tâ ngoi ni so a yeke sa yingo na ndo ti Jésus ti tene lo ga Messie wala Christ. A tene tënë so na prophète Daniel: “Mo hinga ye, na mo hinga nda ti ye ni, a komanse na lâ ni so A to tënë ti kiri [ti] leke na ti sala Jérusalem juska Gbia ni, Lo so A sa mafuta na li ti Lo, aga, a yeke semaine mbasambala, na semaine bale-omene na ndo ni use.”—Daniel 9:25.

Ti hinga tâ ngoi ni so Messie ayeke ga na ni, a hunda kozoni kue ti tene e hinga tâ ngoi ni so a lingbi e to nda ti diko ‘ayenga’ so versê ni asala tënë ni, so ayeke ninga juska na gango ti Messie ni. Prophétie ni afa so a yeke to nda ti diko ngoi so na “lâ ni so A to tënë ti kiri [ti] leke na ti sala Jérusalem”. Lawa la “A to tënë” ni so? Néhémie atene na yâ ti buku ti Bible so lo sû ni so a yeke lani “na ngu bale-use ti gbia Artaxerxès” si a to tënë ti lekengo gbagba ti Jérusalem (Néhémie 2:1, 5-8). Awasungo mbaï ayeda so Artaxerxès ato nda ti lë gbia lani na ngu 475 kozoni na ngoi ti e. Tongaso, ngu bale-use ti lo tongana gbia atï na ngu 455 kozoni na ngoi ti e. Fadeso, e hinga awe lawa si prophétie ti Daniel na ndo gango ti Messie ato nda ti ga tâ tënë: a yeke na ngu 455 kozoni na ngoi ti e.

Daniel afa nga ngoi oke ayeke hon na popo ti ngoi so a yeke to tënë ti lekengo gbagba ti Jérusalem ni juska ti si na lango so “Lo so A sa mafuta na li ti Lo”, so ti tene Messie ni, ayeke ga. Prophétie ni asala tënë ti “semaine mbasambala, na semaine bale-omene na ndo ni use”. Tongana a bungbi ni, a lingbi semaine wala yenga 69. Me so ayeke atâ yenga la? Na yâ ti ambeni Bible, a fa so a yeke atâ yenga ti lango mbasambala pëpe. A fa so “semaine” wala yenga oko so a sala tënë ni ge amû ngu mbasambala me pëpe lango mbasambala. A-Juif giriri ayeke bâ tongana mbeni yenga angu mbasambala oko oko so ayeke hon. Na tapande, tongana ngu omene ahon awe, a si na ngu mbasambala ni, aJuif ayeke bâ ngu ni tongana Sabbat, legeoko tongana ti so ala yeke bâ lani lango mbasambala ti yenga oko oko tongana lango ti Sabbat (Exode 23:10, 11). Tongaso, prophétie ti Daniel na ndo ayenga 69 aye ti sala tënë ti angu 7 so a diko ni fani 69. Na dikongo ni tongaso, e yeke wara na nda ni ngu 483.

Fadeso, ye so angbâ na e ti sala ni ayeke gi ti diko angu 483 so, ti londo na ngu 455 kozoni na ngoi ti e ti ga na ni. Tongana e sala tongaso, e yeke gue ti si na ngu 29 ti ngoi ti e. A yeke tâ na ngu so la si Jésus awara batême na lo ga Messie* (Luc 3:1, 2, 21, 22). Lege so prophétie ti Bible so aga tâ tënë na ni adö bê biani. Mo bâ ni tongaso pëpe?


*  Ti londo na ngu 455 ti si na ngu 1 kozoni na ngoi ti e, a yeke ngu 454 la ahon. Ti londo na ngu 1 kozoni na ngoi ti e ti si na ngu oko ti ngoi ti e, ngu oko la ahon. Na ti londo na ngu 1 ti ngoi ti e ti si na ngu 29 ti ngoi ti e, a yeke ngu 28 la ahon , tongana e mû 454, e zia oko na ndo ni, na e kiri e zia 28 dä, e yeke wara 483. A yeke na ngu 33 ti ngoi ti e, ngu kete na pekoni so Jésus aga Messie, si “a lungula” lo wala a fâ lo (Daniel 9:24, 26). Bâ buku E Bi Bê na Prophétie ti Daniel!, chapitre 11, nga na buku Étude perspicace des Écritures, Volume 2 ni, lembeti 899-901. Abuku ni use kue, a yeke aTémoin ti Jéhovah si asigigi na ni.

“SEMAINE BALE-MBASAMBALA”
ngu 490
yenga 7
(ngu 49)
yenga 62
(ngu 434)

←Kozoni na ngoi ti e |
 Ti ngoi ti e→

yenga 1
(ngu 7)
455

“Tënë ti kiri [ti] leke…Jérusalem”

Aye so angbâ ti gbata ti Jérusalem
406

A hunzi lekengo Jérusalem

Jérusalem so akiri aleke ni
29

Messie aga

Batême ti Jésus
33

“A lungula” Messie

Kuâ ti Jésus
36

Hunzingo ti “semaine bale-mbasambala” ni

Mbeni turugu ti Rome

← Bâ chapitre ni