Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Mbeti ti ambaï ti yâ ti Bible

115: Fini paradis na ndo ti sese

115: Fini paradis na ndo ti sese

BÂ AKOTA keke so, apendere fleur so nga na akota hoto so. Ndo ni ayeke pendere pëpe? Bâ wuga so ayeke te ye na yâ ti maboko ti kete molenge-koli so. Bâ nga abamara na ambarata kâ na ndo ti pere. Mo ye ti duti na yâ ti mara ti ndo tongaso?

Nzapa aye si mo duti lakue lakue na yâ ti paradis na ndo ti sese. Lo ye nga si mo wara akobela so ayeke sara azo laso so pëpe. Bâ tënë so Bible atene na azo so ayeke duti ande na yâ ti fini paradis, a tene: ‘Nzapa ayeke duti na ala. Kuâ, wala toto, wala sana, ayeke duti dä mbeni pëpe teti akozo ye ni ahon awe.’

Jésus ayeke sara ande si apendere ye so kue aduti na ndo ti sese. A yeke duti ande lawa? A yeke duti ande na peko ti so lo zi aye ti sioni kue nga na azo ti sioni na ndo ti sese. Lani, tongana Jésus ade na sese ge, lo zi akobela nde nde kue na tere ti azo, na lo zingo même akuâ. Mo dabe ti mo na ni? Jésus asara lani aye so ti fa ye so lo yeke sara ande na ndo lê ti sese kue tongana lo ga Gbia ti Royaume ti Nzapa.

Tara ti bâ tongana nyen aye ayeke duti ande pendere mingi na yâ ti fini paradis na ndo ti sese ge! Jésus na azo so lo soro ala ayeke komande na yayu. Azo ti komande so ayeke bâ ande lege ti azo oko oko kue na ndo ti sese na ala yeke sara nga si azo ni aduti na ngia. Zia e bâ ye so a lingbi e sara ti tene Nzapa amû na e fini ti lakue lakue na yâ ti fini paradis so.

Apocalypse 21:3, 4; 5:9, 10; 14:1-3.

Foto ti paradis


Ahundango tënë

  • Bible atene e yeke duti ande tongana nyen na yâ ti paradis na ndo ti sese?
  • Bible atene nyen ndali ti azo so ayeke duti ande na yâ ti Paradis?
  • Lawa si Jésus ayeke sara ande si apendere ye so kue aduti na ndo ti sese?
  • Tongana Jésus ayeke lani na ndo ti sese, aye wa lo sara ti fa ye so lo yeke sara ande tongana lo ga Gbia ti Royaume ti Nzapa?
  • Jésus na azo so ayeke komande na tere ti lo na yayu ayeke leke kue ti sara nyen tongana ala yeke komande sese?

Ambeni hundango tënë

  • Diko Apocalypse 5:9, 10.

    Ngbanga ti nyen e lingbi ti duti na kite pëpe so ala so ayeke komande ande sese na ngoi ti Komandema ti Ngu Saki Oko ayeke duti agbia nga na aprêtre so ahinga akpale ti e nzoni na so ayeke bâ mawa ti e? (aEph. 4:20-24; 1 Pi. 1:7; 3:8; 5:6-10).

  • Diko Apocalypse 14:1-3.

    So a sû iri ti Babâ ni na ti Molenge ti Ngasangbaga ni na ndo ti lê ti azo 144 000 aye ti fa nyen? (1 aCor. 3:23; 2 Tim. 2:19; Apoc. 3:12).