Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Mbeti ti ambaï ti yâ ti Bible

Mbage 8: Atënë so kue Bible atene aga tâ tënë

Mbage 8: Atënë so kue Bible atene aga tâ tënë

Bible asara tënë ti atâ ye so asi giriri, me lo sara nga tënë ti aye so ayeke si ande. Azo alingbi ti fa ye so ayeke si kekereke pëpe. Ni la e hinga e tene Bible ayeke tënë ti yanga ti Nzapa. Bible atene nyen na ndo ti aye so ayeke si ande?

A sara tënë ti kota bira ti Nzapa. Na lâ ti bira so, Nzapa ayeke zi ande aye ti sioni kue nga na asioni zo na ndo ti sese, na lo yeke bata awakua ti lo. Jésus Christ, Gbia so Nzapa asoro lo, ayeke sara ande kue ti tene awakua ti Nzapa aduti na yâ ti siriri nga na ngia, nga si ala tï kobela wala ala kui mbeni pëpe.

E yeke na ngia mingi so Nzapa ayeke sara ande si sese so aga paradis. Me tongana e ye ti duti na yâ ti paradis so, a lingbi e sara mbeni ye. Na mbaï 116 ni, e yeke bâ ande ye so a lingbi e sara ti wara apendere ye so Nzapa aleke ni ndali ti azo so asara na lo. Tongaso, diko MBAGE 8 ni, na bâ ye so Bible atene ayeke si.

Foto ti paradis