Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Mbeti ti ambaï ti yâ ti Bible

Mbage 6: Dungo Jésus juska na kuâ ti lo

Mbage 6: Dungo Jésus juska na kuâ ti lo

Nzapa atokua ange Gabriel na mbeni nzoni maseka-wali so iri ti lo ayeke Marie. Ange ni atene na lo so fade lo yeke dü mbeni molenge so ayeke komande tongana gbia teti lakue lakue. Iri ti molenge ni so ayeke Jésus. A dü lo na yâ ti mbeni da so a yeke bata anyama dä. Kâ, ambeni zo ti batango ataba aga ti bâ lo. Na pekoni, mbeni tongoro afa lege na ambeni zo so alondo na mbage ti tö ti ga ti bâ molenge ni. E yeke hinga ande zo so asara si ala bâ tongoro so, nga tongana nyen a zi Jésus na lê ti kuâ.

Na pekoni, e yeke wara Jésus na yâ ti temple na sarango lisoro na awafango ye na ngoi so lo yeke na ngu 12. Ngu 18 na pekoni, Jésus awara batême, na lo to nda ti sara kusala so Nzapa atokua lo ndali ni, so ayeke ti fa tënë ti Royaume ti Nzapa nga ti fa ye na azo. Ti mû maboko na lo ti sara kusala so, Jésus asoro azo 12 ti ga abazengele ti lo.

Jésus asara nga gbâ ti amiracle. Lo mû kobe na azo saki mingi gi na kete wungo ti susu nga na ti mapa. Lo zi kobela na tere ti azo nga lo zingo akuâ. Na nda ni, e yeke bâ ande aye mingi so asi na Jésus na lâ ti kuâ ti lo, nga tongana nyen si a fâ lo. Jésus afa tënë teti ngu ota na ndambo tongaso. MBAGE 6 so asara tënë ti aye so asi na yâ ti angu 34 na ndo ni tongaso.

Jésus ayeke fa ye

TI HINGA AMBENI TËNË

Jésus Christ ayeke zo wa?

Bâ ndani so Jésus akui, nyen la a futa ni nyen, nga ye so jésus ayeke sara na ndembe so