Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Mbeti ti ambaï ti yâ ti Bible

Mbage 2: Kota Moa juska na zingo azo ti Israël na Egypte

Mbage 2: Kota Moa juska na zingo azo ti Israël na Egypte

Gi azo miombe si asö kuâ na Kota Moa. Me tongana ngoi ayeke hon, ala wu mingi na sese juska ala ga saki mingi. Ngu 352 na peko ti Kota Moa, a dü Abraham. Nzapa asara ye alingbi na tënë ti yanga ti lo tongana lo mû na Abraham molenge ti koli so iri ti lo ayeke Isaac. Na popo ti amolenge ti Isaac ti koli use, Nzapa asoro Jacob.

Jacob adü amolenge ti koli 12 na ambeni molenge ti wali nga. Amolenge ti koli ti Jacob 10 ake ngambe ti ala Joseph na ala kä lo si lo ga ngbâa na Egypte. Na pekoni, Joseph aga mbeni kota zo ti komande ti Egypte. Tongana kota nzara asara, Joseph atara aita ti lo ti bâ wala ala gbian bê ti ala awe. Na nda ni, sewa ti Jacob kue, azo ti Israël, ague na Egypte. Aye so asi ngu 290 na peko ti dungo Abraham.

Teti ngu 215, azo ti Israël aduti na sese ti Egypte. Na peko ti kuâ ti Joseph, ala ga angbâa. A si na mbeni ngoi, a dü Moïse, na Nzapa airi lo ti zi azo ti Israël na Egypte. Na MBAGE 2 so, a sara tënë ti aye so asi na yâ ti ngu 857.

Sewa ti Jacob ayeke gue na Egypte