Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible alingbi ti fa nyen na e?

Nyen la Nzapa aleke na bê ti lo ti sara ndali ti e?

Nyen la Nzapa aleke na bê ti lo ti sara ndali ti e?

TONGANA mo diko mbeti-sango, mo bâ télé wala mo mä radio, mo yeke bâ na mo yeke mä asango mingi na ndö ti sarango sioni, bira nga na tënë ti aterroriste. Peut-être mo wani mo bâ pasi ndali ti mbeni kobela wala ndali ti kuâ ti mbeni zo so mo ye lo mingi.

Hunda terê ti mo:

  • A yeke ye so Nzapa aye ndali ti mbi na sewa ti mbi la?

  • Na ndo wa la mbi lingbi ti wara mungo maboko ti hon ndö ti akpale ti mbi?

  • Tâ siriri ayeke duti ande dä mbeni lâ?

Na ndö ti ahundango tënë so, Bible amû akiringo tënë so zo alingbi ti zia bê ti lo dä.

 BIBLE AFA SO NZAPA AYEKE SARA ANDE NA SESE AYE SO ADÖ BÊ TI ZO MINGI.

  • Azo ayeke bâ pasi mbeni pëpe, ala yeke ga mbakoro pëpe nga ala yeke kui pëpe.​—Apocalypse 21:4

  • “Azo so gere ti ala abuba ayeke huru tongana lekpa.”​—Ésaïe 35:6

  • “Lê ti awaziba ayeke zi.”​—Ésaïe 35:5

  •  A yeke kiri ande na azo so kui na fini.​—Jean 5:28, 29

  • Zo oko ayeke tï kobela pëpe.​—Ésaïe 33:24

  • Azo kue na ndö ti sese ayeke wara gbâ ti kobe ti tengo ni.​—Psaume 72:16

 WARA NZONI NA LEGE TI YE SO BIBLE AFA

A yeke ngangu pëpe ti tene mo pensé so aye so mo diko na yâ ti akozo lembeti ti mbeti so ayeke gï atënë ti bango li. Me Nzapa amû zendo ti sara achangement so na ndö ti sese fafadeso, nga Bible afa na e tongana nyen la lo yeke sara ande ni.

Bible afa na e aye mingi ahon aye so. A fa na e nga aye so e yeke na bezoin ti hinga si e duti biani na ngia nga si gigi anzere na e laso. Gbu li ti mo kete na ndö ti aye so asara si mo gi bê ti mo. A lingbi ti duti tënë ti nginza, ti sewa, kpale ti seni wala kuâ ti mbeni zo so mo ye lo mingi. Bible alingbi ti mû maboko na mo ti hon ndö ti akpale so. Nga Bible alingbi ti dë bê ti mo na lege so a kiri tënë na ahundango ndo tongana:

 So mo yeke diko mbeti so afa so mo ye ti hinga ye so Bible afa. Mbeti so ayeke mû maboko na mo. Mo yeke wara ahundango ndo ti aparagraphe so ayeke mû maboko na mo ti kiri ti mä yâ ti Bible nzoni. A nzere na azo kutu mingi ti sara lisoro na ndö ti Bible na aTémoin ti Jéhovah. E ye ti tene a nzere na mo nga kue. Zia Nzapa asara tufa na ndö ti mo na ngoi so mo yeke gi ti hinga ye so Bible alingbi ti fa na mo.

TI HINGA AMBENI TËNË

KAPA TI MANDANGO BIBLE

Ndani nyen ti manda Bible?

Bible ayeke mû maboko laso na azo kutu na kutu na yâ ti dunia kue ti wara akiringo tënë na angangu tënë so ala yeke hunda na yâ ti gigi ti ala. Mo nga kue mo ye ti duti na popo ti ala?

KAPA TI MANDANGO BIBLE

E yeke manda Bible na azo tongana nyen?

Na ndo ti sese kue, azo ahinga aTémoin ti Jéhovah tongana azo so ayeke manda Bible na azo senge senge. Bâ tongana nyen a yeke sara ni.

AZO WA LA AYEKE SARA LASO YE SO JÉHOVAH AYE?

A-Témoin ti Jéhovah ayeke azo wa?

A-Témoin ti Jéhovah oke la mo hinga ala? Nyen la mo hinga biani na ndö ti e?