Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

Akiringo tënë na ahunda 10 so amaseka ayeke hunda ka

 HUNDA 9

Mbi doit ti yeda na tënë ti évolution?

Mbi doit ti yeda na tënë ti évolution?

NDANI SO A YEKE KOTA YE

Tongana tënë ti évolution ayeke vrai, fini so e yeke na ni so ayeke ye oko ape. Tongana tënë ti création la ayeke tâ tënë, e peut ti wara akiringo tënë na ahunda na ndo ti fini ti e nga na gigi ti kekereke.

NYEN LA MO YEKE SARA?

Tara ti bâ ye so: Li ti Alex aga kirikiri. Lo mä na bê lakue na Nzapa nga na tënë ti création. Me laso prof ti lo ti biologie atene polele so awandara agi nda ti ye ngbii na ala bâ so tënë ti évolution ayeke vrai. Alex aye ti tene a bâ lo tongana buba zo ape. Lo tene: ‘Kozoni kue, tongana awandara agi nda ti ye si ala tene so tënë ti évolution ayeke vrai, mbi yeke zo wa ti dë kite na ala?’

Tongana mo yeke Alex, mo yeke tene so tënë ti évolution ayeke vrai gi ngbanga ti so a fa ni tongaso na yâ ti alivre?

GBU LI TI MO KETE!

Atâa azo so ayeda na tënë ti évolution wala ala so ayeda na tënë ti création, ala kue ayeke ka nduru ti fa ye so ala mä na bê na ni sân ti hinga ndani.

  • Ambeni zo ayeda na tënë ti création gi ndali ti so ayeke ye so a fa na ala na eglize.

  • Ambeni zo ayeda na tënë ti évolution gi ndali ti so ayeke ye so a fa na ala na ekole.

 AHUNDA OMENE TI GBU LI NA NDO NI

Bible atene: “Da oko oko kue, mbeni zo si asara ni, me zo so asara aye kue ayeke Nzapa.” (aHébreu 3:4). A yeke na lege ni ti yeda na tënë so?

Ti tene so mbeni Zo la acréé aye ape ayeke ye ti buba tongana ti so mbeni zo abâ mbeni da na lo tene so mbeni zo la aleke ni ape

YE SO AZO ATENE: Mbeni kota sungbango ti ye la asara si aye kue abâ gigi.

1. Zo wala nyen la asara si ye ni so asungba?

2. Tënë wa la ayeke na lege ni: Aye abâ gigi gi tongaso wala mbeni zo la asara si aye abâ gigi?

YE SO AZO ATENE: Anyama la achangé yeke yeke si aga azo.

3. Tongana anyama, na tapande amakako, la achangé yeke yeke si aga azo, ngbanga ti nyen la hingango ndo ti azo ayeke nde mingi na ti amakako?

4. Ngbanga ti nyen la a yeke ngangu ti hinga nzoni nda ti ambeni kete kete ye so ayeke na fini?

YE SO AZO ATENE: Évolution ayeke mbeni tënë so gere ni aluti.

5. Zo so atene tënë ni so agi nda ti aye ni lo wani na lo bâ so ayeke vrai?

6. Azo oke la ayeda na tënë ti évolution gi ngbanga ti so a fa na ala na ekole so awandara kue ayeda na ni?

“Tongana mo yeke tambela na yâ ti gbako na mo bâ mbeni pendere da, mo yeke tene: ‘So pendere da! Akeke adoit ti tuku gi na bê ti ala na sese tongaso si aga da so.’ A yeke tongaso ape. A yeke na lege ni ape ti tene tongaso. Ka ngbanga ti nyen la e doit ti yeda so aye so ayeke na yâ ti dunia abâ gigi gi na bê ti ala wani?”—Julia.

“Tara ti bâ so mbeni zo atene na mo atene mbeni ye asungba na place ti imprimerie, encre atuku na tere ti mur nga na plafond asara si ambeti asigi na aga mbeni kota dictionnaire. Mo yeke yeda na ni?”—Gwen.

 NGBANGA TI NYEN TI MÄ NA BÊ NA NZAPA?

Bible awa mo ti sara kua na ‘hingango ndo ti mo.’ (aRomain 12:1). So aye ti tene so mo doit ti mä na bê na Nzapa pëpe gi ndali ti

  • TËNË TI BÊ TI MO (Mbi pensé mbeni zo so ayeke na ngangu ahon azo kue adoit ti duti dä)

  • AMBA TI MO (Ndo so mbi yeke dä, azo amä na bê na Nzapa)

  • MBETO TI AZO (Babâ na mama ti mbi afa na mbi ti mä na bê na Nzapa, mbi peut ti sara lani mbeni ye nde ape)

Mo doit ti duti na anzoni raison so apusu mo ti mä na bê.

“Na klase, na ngoi so mbi yeke mä so prof ti mbi ayeke fa tongana nyen la tere ti e ayeke sara kua, mbi yeke na kite oko ape so Nzapa ayeke dä. Mbage oko oko ti tere ti zo ayeke na kua ti lo wani, na mingi ni ambage ti tere ti e ayeke sara kua sân ti tene e hinga ni. Ti vrai ni, tere ti e azo ahon gbungo li ti zo.” —Teresa.

“Tongana mbi bâ mbeni yongoro étage, mbeni bateau so ayeke hon wala mbeni oto, mbi yeke hunda tere ti mbi, mbi tene: ‘Zo wa la asara ni?’ A yeke azo so ayeke na ndara la aleke oto, na teti so ti tene oto ni asara kua a lingbi gbâ ti akete kete ye ti tere ni kue asara kua nzoni. Tongaso, tongana zo la aleke a-oto, e azo nga kue mbeni zo la aleke e.—Richard.

“Tongana mbi manda ye mingi na ndo ti science, tënë ti évolution aluti encore na lê ti mbi ape.. . . Na mbi, ti yeda na tënë ti évolution ayeke ngangu mingi ahon ti mä na bê na Zo so aleke aye.” —Anthony.

GBU LI TI MO NA NDO TI YE SO

Atâa so awandara agi nda ti ye teti angu mingi, a lingbi ala sigi na mbeni tënë so ala kue amä tere na ndo ni. Tongana awandara amä tere na ndo ti tënë ti évolution ape, atâa so ala tene so ala hinga ye mingi, eskê ayeke sioni ti tene mo dë kite na atënë so ala tene?