Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  No. 1 2017

 KOTA MAMA-TENE NI | LEGE TI WARA YE TI NZONI NA LEGE TI DIKONGO BIBLE

Tongana nyen la Bible alingbi ti sara si gigi ti mbi aga nzoni?

Tongana nyen la Bible alingbi ti sara si gigi ti mbi aga nzoni?

Bible ayeke pëpe gï mbeni senge buku tongaso. A yeke wara gbâ ti awango ti Zo so acréé e na yâ ni (2 Timothée 3:16). Atënë ti yâ ni alingbi ti sara aye mingi na ndö ti e. Ni la, Bible atene: “Tënë ti Nzapa ayeke na fini na ayeke na ngangu ti sara ye.” (aHébreu 4:12). Bible ayeke na ngangu ti sara si fini ti e aga nzoni na alege use: a yeke fa lege na e laso na yâ ti gigi ti e ti lâ oko oko nga a yeke mû maboko na e ti hinga Nzapa nga na azendo ti lo.1 Timothée 4:8; Jacques 4:8.

Bible alingbi ti sara si laso fini ti e aga nzoni. Bible alingbi ti mû maboko na zo oko oko ti wara kiringo tënë na ahunda ti lo. A yeke mû awango ti ndara na ndö ti:

Na Asie, mbeni koli na wali, so asara mariage awe na so angbâ maseka, abâ na nene ni mingi awango ti Bible. Legeoko tongana ti gbâ ti akoli na awali so amû terê fini fini, a yeke lani ngangu na ala ti tene asarango ye ti ala ague oko nga ti sara lisoro polele na popo ti ala. Me, ala komanse ti sara ye alingbi na ye so ala diko na yâ ti Bible. Ye ti pekoni ayeke nyen? Vicent, koli ti wali ni atene: “Ye so mbi diko na yâ ti Bible amû maboko na mbi mingi ti leke akpale ti mariage ti e na lege ti ndoye. Ti sara ye ague oko na afango ye ti Bible asara si e yeke na ngia na yâ ti fini ti e.” Wali ti lo, Annalou, atene: “Tongana e diko atapande so ayeke na yâ ti Bible amû maboko na e mingi. Fadeso, mbi yeke na ngia na yâ ti mariage ti e nga na yâ ti aye so e leke ti sara na yâ ti fini ti e.”

Gi ti hinga Nzapa. Nde na atënë so Vicent atene na ndö ti mariage, lo tene nga lo tene: “Dikongo Bible asara si mbi bâ so mbi ga nduru mingi na Jéhovah fadeso ahon même ti kozo.” Tënë ti Vicent so aluti mingi na ndö ti mbeni ye so ayeke kota mingi. Ye ni ayeke so Bible alingbi ti aidé mo ti hinga Nzapa. Na sarango tongaso, mo yeke wara aye ti nzoni na lege ti awango ti Nzapa, nga mo yeke bâ so mo lingbi ti hinga lo nga ti ga kamarade ti lo. Mo yeke bâ nga so lo fa na mo anzene nzene ye na ndö ti nzoni gigi ti kekereke, na ngoi so mo yeke wara ande “tâ fini” so ayeke ninga teti lakue lakue (1 Timothée 6:19). A yeke mbeni ye so mbeni buku nde alingbi ti sara ni ape.

Tongana mo yeke gi ti diko Bible nga ti sara ye alingbi na ni, a yeke sara si fini ti mo aga nzoni laso nga a yeke sara si mo hinga Nzapa. Na ngoi so mo yeke diko Bible, peut-être gbâ ti ahundango ndo ayeke ga na li ti mo. Tongana a yeke tongaso, dabe ti mo na nzoni tapande ti mbeni kota zo ti Éthiopie so ayeke lani na fini a sara ngu 2000 tongaso. Lo yeke lani na gbâ ti ahunda na ndö ti Bible. Na ngoi so a hunda lo wala lo comprendre ye so lo yeke diko so, lo kiri tënë, lo tene: “Ti tâ tënë ni, mbi lingbi ti mä yâ ni tongana nyen tongana mbeni zo ti fa ndani na mbi ayeke dä ape?” * Na pekoni, lo yeda hio ti tene Philippe, so ayeke mbeni kozo disciple ti Jésus, so ahinga Bible nzoni, amû maboko na lo (Kusala 8:30, 31, 34). Legeoko nga, tongana mo ye ti hinga ye mingi na ndö ti Bible, e wa mo ti hunda ni na lege ti site Internet www.jw.org wala ti sû mbeti na mbeni oko ti a-adresse so ayeke na yâ ti mbeti so. Mo lingbi nga ti sara tënë ni na aTémoin ti Jéhovah so ayeke nduru na mo wala ti gue na Da ti Royaume so ayeke nduru na mo. Ngbanga ti nyen la mo gi pëpe ti wara laso mbeni Bible ti tene afa lege na mo ti wara ye ti nzoni na yâ ti fini ti mo?

Tongana mo yeke hunda terê ti mo wala mo lingbi ti zia bê kue na atënë ti Bible, bâ nduru vidéo E hinga tongana nyen so atënë ti Bible ayeke tâ tënë? Mo lingbi ti wara ni na ndo ti site jw. org. Cliqué na ndo ti GI NI na mo pika li ti tënë ni.

^ par. 8 Ti wara ambeni tapande ti awango ti ndara ti Bible, bâ site Internet ti e, jw.org. Gue na gbe ti tënë LA BIBLE ET VOUS > QUESTIONS BIBLIQUES.

^ par. 11 Bâ nga mbage so atene “A yeke gï mbeni kete ye so zo acomprendre ni ape?” so ayeke na yâ ti mbeti so.

TI HINGA AMBENI TËNË

NZONI TËNË SO ALONDO NA NZAPA!

Tongana nyen andia ti Nzapa ayeke sara nzoni na e?

Jésus afa ndani so e bezoin ti tene Bible afa lege na e. Lo fa nga akota ndia ni use.

TOUR TI BA NDO

Mo bâ so mo yeke nduru na Nzapa?

Azo mingi ahinga so Nzapa abâ ala tongana akamarade ti lo.

NZONI TËNË SO ALONDO NA NZAPA!

Nzapa ayeke na iri?

Nzapa ayeke na atitre mingi so na popo ni, Lo ti Ngangu Ahon Kue, Lo so aleke aye kue, nga na Seigneur. Me a sara kua na tâ iri ti Nzapa ahon fani 7 000 na yâ ti Bible.