Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  Décembre 2015

Kiringo tënë na ahunda ti azo

Kiringo tënë na ahunda ti azo

Eskê e peut ti hinga tâ tënë na ndo ti Nzapa?

Ngbanga ti nyen la Nzapa aye ti tene e hinga tâ tënë na ndo ti lo? Diko Jean 17:3

Nzapa asara tënë ândö na azo. Lo sara kua na yingo vulu ti lo, so ti tene ngangu ti lo, ti zia apensé ti lo na yâ ti li ti azo so asû lani Bible (2 Pierre 1:20, 21). E peut ti hinga tâ tënë na ndo ti Nzapa, tongana e diko Bible.Diko Jean 17:17; 2 Timothée 3:16.

Na yâ ti Bible, Nzapa afa aye mingi na ndo ti lo. Lo fa ndani so lo leke azo, nyen la lo yeke sara ande ndali ti azo nga ye so lo yeke ku na mbage ti e (Kusala 17:24-27). Jéhovah aye ti tene e hinga tâ tënë na ndo ti lo..Diko 1 Timothée 2:3, 4.

Ngbanga ti nyen la Nzapa andoye azo so aye ti hinga tâ tënë na ndo ti lo?

Jéhovah ayeke Nzapa ti tâ tënë, na lo tokua lani Jésus, so ayeke Molenge ti lo, ti ga ti fa tâ tënë na azo. Ni la, azo so aye tâ tënë aga lani na mbage ti Jésus (Jean 18:37). Nzapa aye ti tene mara ti azo tongaso avoro lo.Diko Jean 4:23, 24..

Satan Zabolo akanga lege na azo mingi ti hinga Nzapa, na fango na ala amvene na ndo ti Nzapa (2 aCorinthien 4:3, 4). Azo so aye nzoni ye ape ayeda na afango ye ti mvene ni so (aRomain 1:25). Me, gbâ ti azo so aye nzoni ye awara lege ti hinga tâ tënë na ndo ti Nzapa, na lege ti mandango Bible.Kusala 17:11.

 

TI HINGA AMBENI TËNË

Bible afa nyen biani?

Tâ tënë na ndo Nzapa ayeke so wa?

KAPA TI MANDANGO BIBLE

Ndani nyen ti manda Bible?

Bible ayeke mû maboko laso na azo kutu na kutu na yâ ti dunia kue ti wara akiringo tënë na angangu tënë so ala yeke hunda na yâ ti gigi ti ala. Mo nga kue mo ye ti duti na popo ti ala?