Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  Octobre 2015

Kiringo tënë na ahunda ti azo

Kiringo tënë na ahunda ti azo

Yere ayeke hunzi ande mbeni lâ?

Tongana nyen la Nzapa ayeke sara ande si yere ahunzi na yâ ti dunia so?—Matthieu 6:9, 10.

Ngu oko oko, kpale ti tengo kobe nga na kobela ayeke fâ azo kutu mingi ndali ti so ala yeke na yâ ti yere. Gbâ ti azo ayeke na yâ ti kota yere, atâa so na yâ ti ambeni kodoro mosoro ayeke dä mingi. Bible afa so yere ayeke mbeni kpale so ayeke ngbâ gi ngbango na milieu ti azo.Diko Jean 12:8.

Ti sara si yere ahunzi, a yeke nzoni a wara mbeni gouvernement oko so akomande dunia kue. A lingbi gouvernement ni so amû na azo aye so ala yeke na bezoin ni nga lo sara si bira, so ayeke na gunda ti yere, ahunzi biani biani. Ni la, Nzapa amû zendo ti ga na mara ti gouvernement ni so.Diko Daniel 2:44.

Zo wa la apeut ti sara si yere ahunzi?

Nzapa azia Molenge ti lo, Jésus, ti komande na ndo ti azo kue (Psaume 2:4-8). Jésus ayeke sö ande azo so ye amanke ala mingi. Lo yeke sara si sarango ye ti sioni nga na sarango ye ti ngangu na zo ahunzi.Diko Psaume 72:8, 12-14.

Tongana ti so a fa kozoni awe, “Mokonzi ti siriri”, so ayeke Jésus, ayeke ga ande na siriri nga na nzoni duti na ndo ti sese. Na pekoni, azo kue ayeke duti ande na yâ ti da ti ala, ala yeke wara ngia na yâ ti kua so ala sara nga ala yeke te kobe alingbi na nzara ti ala.Diko Ésaïe 9:5, 6; 65:21-23.

 

TI HINGA AMBENI TËNË

TOUR TI BA NDO

Jésus ayeke sara ande nyen na yâ ti angoi so ayeke ga?

Jésus ayeke ga ande na siriri na ndo ti sese.

TOUR TI BA NDO

Eskê mbeni lâ, mbeni gouvernement oko alingbi ti komande dunia mobimba kue?

Tara ti bâ siriri nga na nzoni duti so gouvernement oko alingbi ti ga na ni na ndo ti dunia kue. So Nzapa atene ni yeke zia na sese mbeni gouvernement tongaso so, ngbanga ti nyen e lingbi ti zia bê ti e na ni? Zo wa la alingbi ti duti gbia ni?