Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  Septembre 2015

 KOTA MAMA-TENE NI | ATÉMOIN TI JÉHOVAH AYEKE AZO WA?

E yeke wara ka nginza na ndo wa?

E yeke wara ka nginza na ndo wa?

Ngu oko oko, wungo ti aBible nga na ambeni mbeti ti Nzapa so e yeke pete si e yeke kangbi ni ayeke million mingi mingi. Na ndo ti dunia mobimba, e yeke leke abureau ti andokua ti e nga na ando ti petengo ambeti, nga e yeke bâ si akua atambela nzoni na yâ ti ando ni so. E yeke leke gbâ ti apendere Da ti Royaume ti tene acongrégation asara abungbi na yâ ni. Me, zo wa la ayeke mû nginza ti bâ na lege ti aye ni so kue?

A-offrande so azo amû na bê ti ala wani la ayeke mû maboko na e ti sara akua ti e so kue (2 aCorinthien 9:7). Na ngu 1879, use numero ti Tour ti Ba Ndo atene: “E hinga so JÉHOVAH ayeke mû maboko na e, na so e yeke iri ande nginza lâ oko na tïtî azo ape, teti akua ti e.” E yeke gi bê ti e na ndo ni ape.

Zo alingbi ti tokua offrande ni droit na andokua ti e wala ti bi ni na yâ ti mbeni boîte ti offrande so a zia ni na yâ ti da ti bungbi ti e oko oko. Me, e yeke bi dîme ape, e yeke fono na sakpa ti ro nginza ape wala e yeke hunda nginza na tïtî azo ndali ti akua ti e wala ndali ti ambeti ti e ape. Tongana e fa tënë na zo wala na ngoi ti abungbi ti e, wala e mû mbage na kua ti lekengo ada ti Nzapa ti e, a yeke payé e ndali ni ape. Jésus atene: “Ala wara senge senge, ala mû na azo senge senge.” (Matthieu 10:8). Azo kue so ayeke sara kua na andokua ti e nga na kota ndokua ni, so ayeke na États-Unis, même ala so ayeke mû li ni na ndo ti bungbi ti aTémoin ti Jéhovah ti ndo ti dunia kue, a yeke payé ala payengo ape.

“A-Témoin ti Jéhovah ayeke wara nginza ti sarango na kua ti Nzapa ti ala nga na akua kue ti bungbi ti ala grâce na a-offrande so azo amû na bê ti ala wani. Zo oko oko la ayeke soro wungo ti nginza so lo ye ti bi na offrande ni, nga wala lo ye ti bi ni fani oke, so a bâ gi lo.”—La Cour européenne des droits de l’homme, 2011

E yeke mû nga a-offrande ni so ti aidé aita ti e na angoi ti akpale tongana yengingo ti sese. A-Chrétien ti ândö ayeke lani na ngia ti kangbi aye so ala yeke na ni na azo so kpale asi na ala (aRomain 15:26). E nga kue, e yeke aidé azo so aye ti ngangu asi na ala na lekengo ada ti ala nga na ada ti Nzapa ti e so abuba, nga na mungo na ala kobe, bongo na yorö.