Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO AOÛT 2015

Kiringo tënë na ahunda ti azo

Kiringo tënë na ahunda ti azo

Gigi ni kue awe la?

Na ambeni ngoi mo bâ so fini ti zo ayeke ninga ape?

Na yâ ti gigi, nde na sarango ngia, sarango kua, sarango mariage, bango lege ti sewa nga na gango mbakoro, mbeni ye nde encore ayeke dä? wala gi ni kue awe la? A si na mo ti hunda tere ti mo tongaso lâ oko awe? (Job 14:1, 2). Bible afa so même azo so ayeke na ndara mingi ahunda lani tere ti ala tongaso.Diko Zo-ti-fa-tene 2:11.

E yeke na fini ngbanga ti nyen? Ti wara kiringo tënë ni, kozoni kue, a lingbi e hinga tongana nyen la gigi ato nda ni. Na peko ti so ambeni zo abâ fason so a leke na cerveau ti e nga na tanga ti ambeni ye ti tere ti e kue, ala tene so mbeni Zo so ayeke na ndara la acréé e. (Diko Psaume 139:14.) Tongana a yeke tongaso, andâ lo créé e ndali ti mbeni raison, na hingango raison ni so alingbi ti sara si e duti na ngia.

Nzapa asara azo ngbanga ti nyen?

Nzapa asara tufa na ndo ti Adam na Ève, nga lo mû na ala mbeni pendere kua ti sara. Lo leke lani ti tene ala si ndo ti sese, ala sara si sese aga mbeni paradis nga ala duti dä teti fini lakue lakue.Diko Genèse 1:28, 31.

Ye so Nzapa aleke lani aluti teti kete ngoi ndali ti so azo ake yanga ti lo. Me, Nzapa ake e ape, nga lo changé pëpe ye so lo leke ti sara ndali ti e nga na sese. Bible adë bê ti e atene so Nzapa angbâ ti leke aye ti tene lo sö azo so ayeke be-ta-zo na lo nga ti sara si ye so lo leke ndali ti sese asi biani. Tongaso, Nzapa aye si mo nga kue mo duti ande na mara ti fini so lo ye lani na tongo nda ni so. (Diko Psaume 37:29.) Na yâ ti Bible, mo yeke hinga tongana nyen la mo lingbi ti wara ye ti nzoni na lege ti ye so Nzapa aleke ti sara so.