Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO JANVIER 2015

Kiringo tënë na ahunda ti azo

Kiringo tënë na ahunda ti azo

Nyen la apusu azo mingi ti yeda so mbeni Zo so acréé aye kue ayeke dä?

Fini ayeke mbeni ye ti kpene ape?

A sara angu 3000 tongaso awe, mbeni zo ti sungo psaume atene: “Lege so Mo sara mbi ayeke ye ti dongo bê na ye ti kpene.” (Psaume 139:14). Tongana mo bâ tongana nyen la mbeni bébé abâ gigi na lege ti mbeni kete cellule, a pika bê ti mo ape? Azo mingi atene so mbeni Zo la acréé aye kue so ayeke na fini.—Diko Psaume 139:13-17; aHébreu 3:4.

Zo so acréé dunia kue nga na sese ti tene azo, anyama nga na akeke aduti dä, a yeke lo la lo sara nga si fini abâ gigi (Psaume 36:10). Lo sara lisoro na azo nga lo sara tënë na ndo ti lo wani na e.—Diko Ésaïe 45:18.

E azo e ga na lege ti anyama?

Na yâ ti anzene nzene ye mingi, tere ti e azo akpa tere na ti anyama. Me, a yeke ndali ti so a créé azo nga na anyama ti duti na fini na ndo ti sese ge. Nzapa asara lani kozo zo, pëpe na lege ti nyama, me lo mû fuku ti sese la lo leke na zo ni.—Diko Genèse 1:24; 2:7.

Azo ayeke nde na anyama na lege ti akota ye use. Kozo ni, azo alingbi ti hinga Zo so asara ala, ala lingbi ti ye lo nga ti ne lo. Use ni, a leke azo lani ti duti na fini lakue lakue, me anyama ape. Me laso, azo kue ayeke kui ndali ti Adam so ake lani fango lege ti Zo so acréé aye kue.—Diko Genèse 1:27; 2:15-17.

 

TI HINGA AMBENI TËNË