Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO DÉCEMBRE 2014

 KOTA MAMA-TENE NI | MO LINGBI TI GA NDURU NA NZAPA

Mbeni ye ti hon ni ayeke dä ape

Mbeni ye ti hon ni ayeke dä ape

Nyen la mo lingbi ti sara ti ga nduru na Nzapa? E bâ fade ambeni ye so mo lingbi ti sara ti lë kpengba songo na Nzapa:

  1. Hinga iri ti Nzapa, so ayeke Jéhovah, nga sara kua na iri ni.

  2. Sara tënë lakue na lo na lege ti sambela nga manda tënë ti lo, so ayeke Bible.

  3. Ngbâ lakue ti sara ye so azia ngia na bê ti Jéhovah.

Ti ga nduru na Nzapa, sara kua na iri ti lo, sambela lo, manda Bible nga sara aye so lo ye

Tongana e luti na ndo ti atënë so, eskê mo lingbi ti tene so mo yeke sara aye so a hunda ti ga nduru na Nzapa? Eskê ambeni ye ni ayeke dä so mo bâ so mo lingbi ti gi lege ti sara ni? Tâ tënë, mo bezoin ti sara ni, me zia e bâ ye so ayeke ga na peko ni.

Jennifer, so ayeke na États-Unis, atene: “Ngangu kue so zo ayeke sara ti lë songo na Nzapa ayeke kota ye. Mara ti songo ni so ayeke ga na gbâ ti anzoni ye: mo yeke zia bê ti mo mingi na Nzapa, mo yeke hinga sarango ye ti tere ti lo nzoni mingi, me ahon so kue, mo yeke ye lo mingi. Mbeni ye ti hon ni ayeke dä ape.”

Tongana mo ye ti lë kpengba songo na Nzapa, aTémoin ti Jéhovah ayeke duti ande na ngia ti mû maboko na mo ti sara ni. Ala lingbi ti leke ti manda Bible na mo, senge senge. Mo lingbi nga ti gue na abungbi ti ala na Da ti Royaume ti ndo so mo yeke dä. Kâ, mo yeke wara tere ande na azo so abâ songo ti ala na Nzapa na nene ni. * Tongana mo sara tongaso, mo nga kue mo yeke tene ande oko tënë so zo ti sungo psaume so atene lani, lo tene: “A yeke nzoni na mbi ti ga nduru na Nzapa.”—Psaume 73:28.

^ par. 9 Ti hunda ti manda Bible wala ti tene a fa na mo Da ti Royaume ti ndo so mo yeke dä, sara tënë ni na zo so amû na mo mbeti so wala gue na ndo ti site ti e, www.jw.org na gue na gbe ti tënë so atene TI WARA E so ayeke na mbage ti gbe ni.

TI HINGA AMBENI TËNË

E yeke sara abungbi ti e tongana nyen?

Ti hinga ye so ayeke passé kâ, bâ vidéo ni.