Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

TOUR TI BA NDO DÉCEMBRE 2014

Kiringo tënë na ahunda ti azo

Kiringo tënë na ahunda ti azo

Tongana nyen la amolenge alingbi ti manda ti ye Nzapa?

Sara kua na aye so a créé ni ti mû maboko na molenge ti mo ti hinga Nzapa nga ti ye lo

Amolenge ti mo alingbi ti manda ti ye Nzapa gi tongana ala yeke na ambeni ye so afa so lo Nzapa ni lo yeke dä nga so lo ye ala. Ti tene ala ye Nzapa, ala bezoin ti hinga lo (1 Jean 4:8). Na tapande, ala bezoin ti hinga ndani so Nzapa acréé azo, ndani so Nzapa azia si azo ayeke bâ pasi nga nyen la Nzapa aleke ti sara ndali ti azo.—Diko aPhilippien 1:9.

Ti mû maboko na amolenge ti mo ti ye Nzapa, a lingbi ala bâ so mo wani mo ye lo. Tongana ala bâ ni tongaso, ala nga kue ayeke gi ande ti sara tongana ti mo.—Diko Deutéronome 6:5-7; aProverbe 22:6.

Mo lingbi ti sara nyen ti ndu bê ti amolenge ti mo?

Tënë ti Nzapa ayeke na ngangu (aHébreu 4:12). Tongaso, mû maboko na amolenge ti mo ti hinga akota fango ye so ayeke na yâ ni. Ti ndu bê ti azo lani, Jésus ahunda atënë na ala, lo mä ala nga lo fa nda ti tënë ti Mbeti ti Nzapa na ala. Ni la, ti ndu bê ti amolenge ti mo, mo lingbi ti mû tapande ti fango ye ti Jésus.—Diko Luc 24:15-19, 27, 32.

Na ndo ni, na yâ ti Bible, e yeke wara ambaï so afa sarango ye ti Nzapa na mbage ti azo, na mara ti ambaï ni so alingbi ti mû maboko na amolenge ti hinga Nzapa nga ti ye lo. Ambeti so a lingbi ti wara mara ti ambaï tongaso na yâ ni ayeke na ndo ti www.jw.org.—Diko 2 Timothée 3:16.

 

TI HINGA AMBENI TËNË