Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  Août 2014

 KOTA MAMA-TENE NI | NZAPA AYEKE BI BÊ TI LO NGA NA MO LA?

Nzapa ahinga ye so ayeke na gbe ti bê ti mo

Nzapa ahinga ye so ayeke na gbe ti bê ti mo

“O L’Éternel, Mo tara mbi awe, na Mo hinga mbi.”PSAUME 139:1.

“Lê ti Mo abâ mbi tongana mbi de na yâ ngo senge.”PSAUME 139:16

YE SO ASARA SI AMBENI ZO AYEKE NA KITE: Azo mingi apensé so Nzapa abâ azo gi tongana asioni zo, na ala kpa ape ti tene lo bi bê ti lo na ndo ti ala. Kendra, so atï lani na yâ ti kota vundu, abâ tere ti lo lo kpa zo pëpe ti lingbi na aye so Nzapa ahunda na mbage ti azo. Tongaso, lo tene: “Ye so asara si mbi zia ti sambela.”

YE SO BIBLE ATENE: Jéhovah ahinga so mo yeke na siokpari na tere ti mo, me lo bâ gi ni ape. Lo hinga tâ zo so mo yeke ni biani. Bible atene: “Lo hinga tere ti e, lo dabe lo na lege so e yeke pupu-sese.” Lo sara ye na e “alingbi na siokpari ti e pëpe”, me tongana e changé bê ti e lo yeke pardone e na bê ti lo oko.Psaume 103:10, 14.

Bâ tapande ti David, gbia ti Israël so e sara tënë ti lo na kozo article ni so. Lo sambela Nzapa, lo tene: “Lê ti Mo abâ mbi tongana mbi de na yâ ngo senge. . . . Mo sara kue na mbeti ti Mo awe. . . . O Nzapa, tara mbi ti hinga bê ti mbi!” (Psaume 139:16, 23). Biani, David ahinga so, atâa so lo sara siokpari, so ambeni ayeke kota na lê ti Nzapa, Jéhovah abâ bê ti lo na lo bâ so lo changé.

Jéhovah ahinga mo nzoni ahon amba ti mo zo. Bible atene: “Zo abâ lê ti zo, me L’Éternel abâ bê ti lo.” (1 Samuel 16:7). Nzapa ahinga mo tâ mbilimbili: lo bâ mo na konongo ni, lo hinga tâ sarango ye ti mo nzoni, nga lo hinga duti ti mo mbilimbili. Lo yeke bâ effort so mo yeke sara, na a nzere na lo atâa so mo yeke sara ka afaute.

So Nzapa ahinga tâ mo mbilimbili so, nyen la lo yeke sara ti dë bê ti mo?