Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO JUILLET 2014

Kiringo tënë na ahunda ti azo

Kiringo tënë na ahunda ti azo

A yeke nzoni e sambela ngbanga ti nyen?

Jéhovah Nzapa aye si e fa atënë ti bê ti e na lo lakue lakue sân gingo bê (Luc 18:1-7). Lo yeke dengi mê ti mä e ndali ti so lo yeke pensé na e. So Babâ ti e ti yayu la na nzoni bê atene na e ti sambela lo so, a yeke nzoni e yeda na ni ape?—Diko aPhilippien 4:6.

Sambela ayeke pëpe gi mbeni lege ti hunda mungo maboko. Nde na so, sambela ayeke mû maboko na e ti ga nduru mingi na Nzapa (Psaume 8:4, 5). Tongana e yeke fa atënë ti bê ti e lakue lakue na Nzapa, a yeke sara si e yeke lë tâ kpengba songo ti kamarade na lo.—Diko Jacques 4:8.

A yeke nzoni e sambela tongana nyen?

Tongana e yeke sambela, Nzapa aye ape si e tene gi atënë so apika bê ti zo wala e tene gi peko ti asambela so a fa na e fango. Lo fa nga na e ape wala a lingbi e duti wala e luti wala e kuku si e sambela lo. Jéhovah ahunda na e ti tene gi tënë so alondo na yâ ti bê ti e na lo (Matthieu 6:7). Na tapande, na Israël ti ândö, Anne asambela ndali ti mbeni kpale so lo yeke na ni na yâ ti sewa ti lo. Na pekoni, tongana lo wara ye so lo hunda lani na Nzapa awe, na ngia na bê, lo sambela Nzapa, lo kiri singila na lo.—Diko 1 Samuel 1:10, 12, 13, 26, 27; 2:1.

So kota pasa si e yeke na ni! E yeke na pasa ti fa akpale ti e na Nzapa, ti gonda lo nga ti tene merci na lo ndali ti aye so lo sara. Biani, a yeke nzoni e bâ kota pasa ni so tongana senge ye ape.—Diko Psaume 145:14-16.

TI HINGA AMBENI TËNË