Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO JUILLET 2014

 KOTA MAMA-TENE NI | NYEN LA ASIONI YE AYEKE SI KA NA ANZONI ZO?

Asioni ye ahon ndo ni!

Asioni ye ahon ndo ni!

Smita * ayeke mbeni wali ti ngu 35 na gbata ti Dhaka, na Bangladesh. Lo yeke lani nzoni wali nga lo ye azo. Lo yeke sara kua lani mingi nga lo ye ngia, na lo ye ka ti mû maboko na azo ti hinga ye so lo manda na ndo ti Nzapa. Me, gi gbagburu tongaso, Smita atï kobela, na yenga oko na pekoni, lo kui. So kota vundu si lo zia afami ti lo nga na akamarade ti lo na yâ ni!

James na wali ti lo ayeke lani ambeni maseka so ayeke nga lani anzoni zo tongana Smita. Mbeni lâ, ala gue ti bâ akamarade ti ala na Do ti États-Unis. Me, ala kiri na yanga-da ti ala na New York encore ape, ndali ti so, na guengo ti ala, ala sara sioni ndao ti lege si ala kui. Ala zia afami ti ala nga na amba ti ala ti place ti kua na yâ ti kota vundu.

Sioni ye nga na pasi amû ndo na tere ti e laso. Abira ayeke fâ asenge zo na aturugu nga kue. Azo ayeke sara sioni na tere ti amba ti ala senge senge. Azo, atâa ngu ti ala ayeke oke wala dutingo ti ala ayeke tongana nyen, ayeke kui kuâ ti ndao ti lege nga na ti angangu kobela. Ayengingo ti sese wala sukungo ti ngu ayeke fâ azo nde nde, gbani gbani. Kengo zo senge senge nga na sarango ye na azo na lege ni ape amû ndo kue. Peut-être mo nga kue ambeni mara ti ye ni so asi na mo.

A yeke na lege ni ti hunda atënë tongana ti so ge:

  • Nyen la aye ti sioni ayeke si na anzoni zo?

  • Nzapa la ayeke na peko ni?

  • Asioni ye ni asi ka gi gbagburu tongaso? wala azo la ayeke na peko ni?

  • Mbeni siokpari so zo asara ândö la si amû peko ti lo so?

  • Tongana mbeni ye ti karango Nzapa ayeke dä ape, ka ndali ti nyen si lo bata anzoni zo ape?

  • Sioni ye nga na pasi ayeke hunzi ande mbeni lâ la?

Ti kiri tënë na ahunda so, a yeke nzoni e wara kiringo tënë ti ahunda use so ge si: Nyen la si aye ti sioni ayeke si ka so? Nga Nzapa ayeke sara ande nyen?

^ par. 3 A changé airi ni.