Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO MAI 2014

Kiringo tënë na ahunda ti azo

Kiringo tënë na ahunda ti azo

Dunia so ayeke na maboko ti zo wa?

Tongana dunia so ayeke na maboko ti Nzapa, ka zo ayeke bâ pasi mingi tongaso?

Azo mingi apensé so dunia so ayeke na maboko ti tâ Nzapa. Me tongana a yeke biani tongaso, ngbanga ti nyen la pasi ahon ndo ni na ndo ti sese tongaso? (Deutéronome 32:4, 5). Tongana ti so Bible atene, dunia so kue ayeke na gbe ti mbeni zo ti sioni.Diko 1 Jean 5:19.

A sara tongana nyen si sioni zo la ayeke komande na ndo ti azo so? Gi na tongo nda ti mbaï ti azo, mbeni ange asara kpengbango-li na Nzapa na lo pusu Adam na Ève nga kue ti sara tongana lo (Genèse 3:1-6). Adam na Ève ni asoro ti mä yanga ti Satan, ange ti kpengbango-li so, a sara si lo la lo ga gbia ti ala. Nzapa ti Ngangu Ahon Kue la alingbi biani ti komande azo, me lo ye si ndoye la apusu ala ti yeda na komandema ti lo (Deutéronome 6:6; 30:16, 19). Mawa ni ayeke so, azo mingi amû mara sioni desizion ti Adam na Ève so.Diko Apocalypse 12:9.

Zo wa la ayeke leke ande akpale ti azo?

Nzapa ayeke ngbâ gi ti bâ Satan na lê na sioni komandema ti lo ni? Jamais! Nzapa ayeke mû ande ngangu na Jésus ti zi asioni ye kue so Satan aga na ni.Diko 1 Jean 3:8.

Na ngangu ti Nzapa, Jésus ayeke futi ande Satan (aRomain 16:20). Na pekoni, Nzapa ayeke komande na ndo ti azo nga lo yeke sara si azo ayeke kiri ti wara ngia nga na siriri so Adam na Ève agirisa ni ândö.Diko Apocalypse 21:3-5.