Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO FÉVRIER 2014

 AZO AHUNDA ATENE . . .

Ndali ti nyen la Nzapa azia si awangangu asara sioni na asenge zo?

Ndali ti nyen la Nzapa azia si awangangu asara sioni na asenge zo?

Bible asara tënë ti ambeni wangangu so asara pasi na ambeni senge zo ândö. Ye so adabe ti e na ye so asi na Naboth. * Achab, mbeni ngbene gbia ti Israël, ayeda ti tene wali ti lo, Jézabel, afâ Naboth na amolenge ti lo tongaso si lo gbia ni lo lingbi ti mû yaka ti vigne ti Naboth ni (1 aGbia 21:1-16; 2 aGbia 9:26). Nzapa akanga lê na ndo ti mara ti sioni sarango ye tongaso ndali ti nyen?

“Nzapa . . . alingbi ti tene mvene pëpe.”—Tite 1:2

Zia e luti gi na ndo ti kota raison ni oko: Nzapa alingbi ti tene mvene pëpe (Tite1:2). Tënë ni so abâ ye ti ngangu so asioni zo ayeke sara na mba ti ala tongana nyen? Gi na ngoi so Nzapa asara Adam na Ève, lo gboto mê ti azo lo tene tongana ala ke yanga ti lo, sioni ayeke si na pekoni: sioni ni so ayeke kuâ. Tongana ti so Nzapa atene, depuis so azo ake yanga ti lo na yaka ti Eden, azo angbâ gi ti kui juska laso. Kozo zo so akui, a yeke ngbanga ti so a sara sioni na lo: Caïn la afâ ita ti lo Abel.—Genèse 2:16, 17; 4:8.

Na ndo ti mbaï ti azo, Bible atene: “Zo akomande mbeni zo, na a sara sioni na lo.” (Zo-ti-fa-tene 8:9). Tënë so ayeke tâ tënë? Lani, Jéhovah atene na azo ti lo, azo ti Israël, lo tene ala yeke bâ so agbia ti ala ayeke sara pasi na ala ande si ala yeke toto na lo (1 Samuel 8:11-18). Même Gbia Salomon, so ayeke lani na ndara mingi, asara ambeni ye so azo ti kodoro ti lo abâ pasi dä (1 aGbia 11:43; 12:3, 4). Ti asioni gbia, tongana Achab, ala sara ti ala lani pasi mingi na azo. Fadeso, bâ tënë so si: Tongana lani Nzapa akanga lege na amara ti komandema tongaso, andâ lo wani lo tene mvene la ape?

“Zo akomande mbeni zo, na a sara sioni na lo.”— Zo-ti-fa-tene 8:9

Girisa nga ape so Satan atene lani atene azo asara na Nzapa gi ndali ti so ala yeke wara ye na pekoni (Job 1:9, 10; 2:4). Ni la, tongana Nzapa abata awakua ti lo kue si sioni ye asi na ala ape, Satan ayeke wara raison la ape? Nga, tongana Nzapa akanga lege na aye kue ti sioni so alingbi ti si na azo oko oko, andâ lo yeke kota zo ti mvene la ape? Tongana lo sara ni, azo mingi ayeke tene ande atene ala yeke na ngangu ti komande tere ti ala wani tâ nzoni sân Nzapa. Me Bible atene ti lo atene zo alingbi lâ oko pëpe ti komande tere ti lo wani (Jérémie 10:23). E bezoin ti tene Royaume ti Nzapa aga; gi lo la lo lingbi ti hunzi aye ti sioni so azo ayeke sara na amba ti ala.

Tongaso, Nzapa ayeke asarango ye ti sioni ni gi na lê tongaso? Oko ape. Bâ aye use so lo yeke sara ka: Kozo ni, Nzapa ayeke fa sioni ye ni dandara. Na tapande, Bible afa anzene nzene ye kue so Jézabel aleke na gbemingo ti sara na tere ti Naboth. Na pekoni, Bible atene a yeke mbeni ngangu mokonzi, so aye si azo ahinga lo ape, la ayeke na peko ti asioni sarango ye tongaso (Jean 14:30; 2 aCorinthien 11:14). Me Bible afa na e so mokonzi ni ayeke Satan Zabolo. So Bible ayeke fa na e asioni ye ni dandara nga na zo so ayeke tâ na peko ni, a fa so Nzapa aye si e tï na yâ ti sarango ye ti sioni ape. A yeke tongaso si lo mû lege na e ande ti ngbâ na fini kpu na kpu.

Use ni, Nzapa atene so lo yeke hunzi ande asarango ye ti sioni kue, na tënë ti lo ayeke tâ tënë. So lo fa na gigi asioni ye so Achab, Jézabel nga na ambeni zo ni nde asara, nga so lo fâ ngbanga na ndo ti ala na lo se ala, a sara si e hinga so nyen na nyen lo yeke futi ande asioni zo tongana ti so lo tene (Psaume 52:3-7). Nzapa atene nga so lo ga nduru awe ti zi pasi so azo so aye lo ayeke bâ ndali ti sioni so a yeke sara na ala. * Ye so ayeke mû ande lege na wakua ti lo Naboth nga na amolenge ti lo ti duti na yâ ti paradis na ndo ti sese ge na ndo so sarango ye ti sioni ayeke duti dä mbeni ape.—Psaume 37:34.

^ par. 3 Bâ mbage so atene “Sara ye na mabe tongana ti ala” na yâ ti mbeti so.

^ par. 8 Bâ chapitre 11 ti buku Bible afa nyen biani?, so aTémoin ti Jéhovah asigigi na ni.