Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO FÉVRIER 2014

Kiringo tënë na ahunda ti azo

Kiringo tënë na ahunda ti azo

Bible ayeke biani tënë ti yanga ti Nzapa?

Bible ayeke tâ nde na tanga ti abuku kue. Wungo ni so a sigigi na ni ayeke milliard mingi, na ayanga ti kodoro ngbangbo mingi nga. Atënë ti ndara so ayeke na yâ ti Bible ayeke na ngangu ti changé fini ti azo si aga nzoni.—Diko 1 aThessalonicien 2:13; 2 Timothée 3:16.

E hinga so Bible ayeke tënë ti yanga ti Nzapa ngbanga ti so lo fa aye so ayeke si kekereke tâ na lege ni. Zo oko alingbi ti sara ni ape na hingango ndo ti lo wani. Bâ gi tapande ti buku ti Ésaïe. A wara na yâ ti mbeni dû ti tênë nduru na Ngu-ingo Mingi mbeni copie ni, so a sû ni ngu ngbangbo oko tongaso kozo ti tene a dü Jésus. Na yâ ti mbeti ni so, a tene na mbeni ngoi, zo oko ayeke sara kodoro encore ape na gbata ti Babylone. Tënë ni so aga tâ tënë angu mingi na peko ti kusala ti Jésus na sese ge.—Diko Ésaïe 13:19, 20; 2 Pierre 1:20, 21.

A sû atënë ti yâ ti Bible ni lani tongana nyen?

Sungo Bible aninga ngu 1600 tongaso, na azo 40 tongaso la asû ni. Atënë so ala sû ni angoro gi na ndo ti kota mama-tene oko, na atënë ti ala ni kue ague gi oko ngbanga ti so Nzapa la afa lege na ala.—Diko 2 Samuel 23:2.

Na ambeni ngoi, Nzapa asara tënë na azo ti sungo Bible ni na lege ti a-ange wala na lege ti ambeni ye tongana bango-li. Mingi ni, lo yeke zia atënë ni na yâ ti li ti ala, na ala sû atënë ti lo na fason ti tenengo tënë ti ala wani.—Diko Apocalypse 1:1; 21:3-5.

TI HINGA AMBENI TËNË