Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  Juillet 2013

Mbeni nzoni bungbi ti Nzapa ayeke dä?

Mbeni nzoni bungbi ti Nzapa ayeke dä?

Tongana mbeni bungbi ti Nzapa azia vundu na bê ti mo awe, peut-être a yeke duti ngangu na mo ti pensé so mbeni nzoni ni ayeke dä. Ye oko, hinga so mbeni nzoni bungbi ti Nzapa ayeke dä. So Jésus ayeke lani na sese, lo bungbi atâ disciple ti lo na lo fa na ala ti sara ye alingbi na andia ti Nzapa. Tongaso atâ disciple ti Christ so ayeke sara kue ti kpe andia so a fa na aChrétien ayeke laso dä. Me mo yeke wara ala na ndo wa?

Estelle, so e sara tënë ti lo fade awe, atene: “A yeke gi na ngoi so aTémoin ti Jéhovah ato nda ti manda ye na mbi la mbi komanse ti hinga Bible. Gi kete na pekoni, mbi mä yâ ti versê ti Jean 8:32 so atene: ‘Ala yeke hinga ande tâ tënë, na tâ tënë ayeke zi ala.’”

Ray, so e sara nga tënë ti lo fade awe, atene: “Grâce na ye so aTémoin ti Jéhovah afa na mbi, mbi hinga so Nzapa la asara si azo ayeke bâ pasi so ape. A nzere na mbi ti hinga so, atâa so Nzapa ayeke na mbeni mbilimbili raison ti zia si pasi angbâ juska laso, lo tene nga so lo yeke zi ni na yâ ti kete ngoi.”

Ti tâ tënë ni, ti sara ye ti nzoni na popo ti azo so aye gi ti sara sioni ayeke kete ye ape. Me zo alingbi ti sara ni senge. Azo mingi ayeke na nzara ti tene a mû maboko na ala ti hinga Bible nga ti bata tënë ti yâ ni. Ndani la na ndo ti sese kue, aTémoin ti Jéhovah ayeke manda Bible na gbâ ti azo senge senge. Yenga oko oko, gbâ ti azo ayeke hinga ye so Bible afa, ala yeke lë songo na Nzapa so asara ala nga ala yeke na ngia na yâ ti gigi ti ala. *

Hunda aTémoin ti Jéhovah ti fa na mo raison so ala bâ bungbi ti Nzapa ti ala tongana nzoni ni

Ti peko, tongana mo wara aTémoin ti Jéhovah, hunda ala ti fa na mo raison so ala bâ bungbi ti Nzapa ti ala tongana nzoni ni. Gi ti hinga aye so ala yeke fa nga ti bâ wala sarango ye ti ala ayeke tongana nyen. Na pekoni, mo wani mo bâ wala mbeni nzoni bungbi ti Nzapa ayeke dä laso.

^ par. 5 Ti hinga ambeni tënë na ndo ni, bâ buku Bible afa nyen biani?, so aTémoin ti Jéhovah asigigi na ni.