Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  Mai 2013

Kiringo tënë na ahunda ti azo

Kiringo tënë na ahunda ti azo

Nzapa ayeke pardone siokpari ti e la?

Zia e pensé pëpe so ti nzere na lê ti Nzapa ayeke kara e mingi

Bible atene so azo kue ayeke sara siokpari, teti so e wara ni na lege ti kozo koli, Adam. Siokpari ni so ayeke pusu e ngoi na ngoi ti sara ambeni ye ti sioni, so na pekoni e lingbi ti regretté. Jésus Christ, lo so ayeke Molenge ti Nzapa, akä tere ti lo na kuâ ndali ti e. Na sandaga so, so alondo na Nzapa, azi lege na pardon ti siokpari ti e.​—Diko aRomain 3:23, 24.

Ambeni zo asara kota siokpari na ala yeke hunda tere ti ala wala Nzapa apardone ala la? Zia ala gi bê ti ala ape, teti Bible atene: “Mênë ti Molenge ti lo Jésus asukula e na asiokpari kue awe.” (1 Jean 1:7). Jéhovah ayeke nduru ti pardone siokpari ti e, même a yeke sioni tongana nyen. Me a yeke gi tongana e zia lege ni biaku biaku.​—Diko Ésaïe 1:18.

A lingbi e sara nyen ti tene Nzapa apardone e?

Tongana e ye ti tene Jéhovah Nzapa apardone e, a lingbi e manda ye na ndo ti lo ti hinga aye so lo ye na aye so lo ye ape nga awango ti lo (Jean 17:3). Ala so achangé bê ti ala kue si ayeke sara effort ti zia lege ti sioni ti ala, Jéhovah ayeke pardone siokpari ti ala ni kue.​—Diko Kusala 3:19.

Zia e pensé pëpe so ti nzere na lê ti Nzapa ayeke kara e mingi. Ên-ën. Jéhovah ahinga awokongo ti e nzoni na lo yeke nduru ti sara nzoni bê na e. Ye so apusu mo ti gi ti hinga aye so a lingbi mo sara ti nzere na lo ape?​—Diko Psaume 103:13, 14.

 

TI HINGA AMBENI TËNË

NZONI TËNË SO ALONDO NA NZAPA!

Tâ Nzapa ayeke zo wa?

Nzapa ayeke iri? Lo pensé nga na e la?

TOUR TI BA NDO

Mo yeke sara ka aye so Nzapa ahunda?

A yeke kota ye ti mä yanga ti Nzapa, me ambeni ye ayeke dä encore so e yeke na bezoin ti sara ni si e ga kamarade ti lo.