Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

TOUR TI BA NDO (TI MANDANGO NI) AVRIL 2015

Tongana a dë mbeni keke na sese alingbi ti kiri ti sigigi?

Tongana a dë mbeni keke na sese alingbi ti kiri ti sigigi?

TONGANA a haka keke ti olive so aba nga so akutu ayeke na tere ni na mbeni pendere keke ti cèdre ti Liban, keke ti olive ni akpa nga ye oko pëpe. Me akeke ti olive alingbi ti ngbâ même na yâ ti angangu ye. Ambeni keke ti olive ni alingbi ti sara ngu 1 000. Agunda ti mbeni keke ti olive alï sese ngangu, a sara si même tongana a dë keke ni, gunda ni alingbi ti kiri ti sigigi. Tongana ade agunda ti keke ni akui ape, keke ni ayeke kiri ti sigigi.

Job ahinga biani so atâa tongana lo kui, lo yeke kiri na fini (Job 14:13-15). Lo mû tapande ti mbeni keke, peut-être mbeni keke ti olive, ti fa so lo hinga na bê ti lo kue so Nzapa ayeke na ngangu ti zingo lo. Job atene: “Beku ayeke teti keke, tongana a fâ keke ni na sese, a lingbi [ti] kö mbeni.” Tongana ngu apika na peko ti mbeni ngangu buru, mbeni keke ti olive so ahule awe alingbi ti maï na “tikeke ni [wala amaboko ni] asigigi tongana fini keke.”—Job 14:7-9.

Legeoko tongana ti so mbeni zo ti fango yaka ayeke ku ka kungo ti tene mbeni keke ti olive so a dë ni na sese akiri asigigi, Jéhovah ayeke ku kungo ti zingo awakua ti lo nga na ambeni zo mingi na kuâ (Mat. 22:31, 32; Jean 5:28, 29; Kus. 24:15). E yeke duti ande na ngia mingi ti yamba azo so akui nga ti bâ so ala kiri na fini.