Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO (TI MANDANGO NI) SEPTEMBRE 2014

Mo yeke ‘gi kusala’?

Mo yeke ‘gi kusala’?

A-ANCIEN use ti congrégation ti ita Fernando * ahunda ti sara lisoro na lo gi li ti ala ota. Lo gi bê ti lo. Na peko ti andangba vizite so surveillant ti circonscription asara na congrégation ti ala, a-ancien ni afa na lo ye so lo lingbi ti sara ti kiri ti wara ambeni kua na yâ ti congrégation. Tongana alango ayeke hon Fernando ahunda tere ti lo wala lo yeke ga ande ancien. Fadeso surveillant ti circonscription akiri asara vizite na congrégation ti ala. Ti so ni so tënë ti nyen la a-ancien ni ayeke tene na lo?

Fernando adengi mê na tënë so mbeni ancien ni atene na lo. Ancien ni asara tënë na ndo ti 1 Timothée 3:1 nga ancien ni atene na lo so ala wara mbeni mbeti so na yâ ni a yeda ti tene lo ga ancien. Fernando akiri na peko, lo hunda ndo, lo tene: “Mo tene nyen?” Ita ni akiri atene na lo gi oko tënë ni, lê ti Fernando ayeke na ngia. Na pekoni, na ngoi so a sara tënë ni na congrégation, mo bâ lê ti aita kue ayeke na ngia.

A yeke sioni ti duti na nzara ti sara akua na yâ ti congrégation? Ên-ën. Mbeti oko ti Paul na Timothée 3:1 atene: “Tongana mbeni zo agi kusala ti zo ti bango ndo na ndo ti congrégation, lo sara nzara ti mbeni kusala so ayeke nzoni mingi.” Aita-koli mingi asara ye alingbi na wango so na ala gue na li ni ti sara akua na yâ ti congrégation. Ye so asara si na popo ti awakua ti Jéhovah, a yeke wara gbâ ti a-ancien nga na awakua ti mungo maboko. Me teti so wungo ti acongrégation angbâ ti gue na li ni, a yeke na bezoin ti aita-koli mingi so agi kusala. Nzoni lege ti sara ni ayeke so wa? A lingbi aita so agi ti sara kusala tongana zo ti bango ndo na ndo ti congrégation agi bê ti ala tongana ti Fernando so?

TI ‘GI KUSALA’ AYE TI TENE NYEN?

Tënë ti Grec so a kiri pekoni na ‘gi kusala’ aye ti sara tënë ti kota nzara so ayeke na bê ti zo ti sara mbeni ye. Peut-être mo yeke pensé na ndo ti mbeni zo so ayeke sara ngangu ti fâ mbeni pendere lê ti keke so ayo na nduzu. Me ti gi kusala aye ti tene pëpe ti sara bê ti kua ti “zo ti bango ndo na ndo ti congrégation”. Ngbanga ti nyen? Ngbanga ti so ye so agbu  bê ti azo so agi biani ti ga a-ancien ayeke ti sara “kusala so ayeke nzoni mingi” me pëpe ti wara kota ndo.

Mingi ti aye so a hunda na azo so aye ti sara kusala so ayeke nzoni mingi ayeke na 1 Timothée 3:2-7 nga na Tite 1:5-9. Raymond, mbeni ita so asara kua ti ancien aninga, atene na ndo ti aye so a hunda na aita so agi kusala, lo tene: “Ti mbi ye so mbi bâ ayeke kota mingi ayeke sarango ye ti e. Tënë ti yanga ti e nga na ye so e yeke fa ayeke kota ye. Me ye so ayeke kota mingi ayeke ti duti zo so tënë ayeke na li ti lo ape, zo so sarango ye ti tere ti lo ayeke lakue nzoni, zo so abata bibe ti lo nzoni, zo so asara ye kirikiri ape, zo ti yambango agene nzoni nga ti duti zo so asara ye na lege ni.”

‘Gi kusala’ na lege so mo sara akua nde nde na yâ ti congrégation

Ita so ayeke gi biani kusala ayeke fa so tënë ayeke na li ti lo ape na lege so lo yeke kpe aye kue so ayeke na lege ni ape nga na aye so ayeke sara si lo ga sioni. Sarango ye ti tere ti lo ayeke lakue nzoni, lo yeke bata bibe ti lo nzoni, lo yeke sara ye kirikiri ape nga lo yeke sara ye na lege ni. Tongaso, aita alingbi ti zia bê ti ala na ndo ti lo ti tene lo mû li ni na yâ ti congrégation nga lo mû maboko na ala ti hon ndo ti akpale ti ala. Teti so lo yeke zo ti yambango agene lo yeke mû wango na amaseka nga na azo so aga fini fini na yâ ti bungbi. Ndali ti so lo yeke zo so andoye nzoni ye, lo yeke dë bê ti aita so tere ti ala ason nga na ala so aga mbakoro, nga lo yeke mû maboko na ala. Lo yeke gi ti duti na asarango ye so ti mû maboko na aita, me lo yeke sara ni pëpe gi ndali ti so lo ye ti ga ancien. *

Bungbi ti a-ancien ayeke na ngia ti mû wango nga ti kpengba aita so ayeke gi kusala, me kozoni kue, a yeke na aita ni ti sara ye so Bible ahunda na ala ti sara. Henry, mbeni ancien so aninga na kua ni, atene: “Tongana mo yeke gi kusala, sara kue ti fa so mo lingbi na ni.” Ti gue oko na tënë so ayeke na Zo-ti-fa-tene 9:10, lo tene: “‘Ye kue so maboko ti mo awara ti sara, mo sara na ngangu ti mo kue’. Kua kue so a-ancien amû na mo ti sara, sara ni na bê ti mo kue. Ye akua kue so a mû na mo ti sara na yâ ti congrégation, même balengo yâ ti Da ti Royaume. Mbeni lâ, mo yeke wara ye ti nzoni na peko ti akua nga na angangu so mo sara.” Tongana mo ye ti sara kua ti ancien mbeni lâ, sara kua ngangu nga duti zo so a lingbi ti zia bê na ndo ti lo na yâ ti akua kue so ayeke nzoni-kue.  A lingbi mo duti zo so asara tere ti lo kete, me zo ti baba ape.Mat. 23:8-12.

KE BANGO NDO NGA NA ASARANGO YE SO AYEKE NA LEGE NI APE

Ambeni ita so ayeke na nzara ti sara kua na yâ ti congrégation alingbi ti fa na mbeni lege so ayeke nzoni ape nzara so ala yeke na ni ti duti ancien wala ala gi ti sara si a-ancien abâ so ala lingbi ti ga ancien. Ambeni ayeke sara ngonzo tongana a-ancien amû wango na ala. A yeke nzoni aita so ahunda tere ti ala: ‘Mbi ye ti ga ancien gi ndali ti aye so agbu bê ti mbi wani, wala ti bâ lege ti angasangbaga ti Jéhovah na nzoni bê?’

A lingbi aita so ayeke gi ti sara kusala agirisa nga pëpe mbeni ye so a hunda na a-ancien ti sara, so ayeke ti “ga atapande ndali ti angasangbaga ni.” (1 Pi. 5:1-3). Zo so ayeke nzoni tapande ndali ti congrégation ayeke ke ti duti na abango ndo nga na asarango ye so ayeke na lege ni ape. Lo yeke gi ti kanga bê ti lo na yâ ti aye atâa lo ga ancien awe wala ade. Ti ga ancien ayeke pëpe mbeni miracle so asara si zo ayeke na wokongo mbeni ape (Nom. 12:3; Ps. 106:32, 33). Nga mbeni ita alingbi pëpe ti ‘hinga mbeni ye ti sioni so lo sara’, me ambeni ita alingbi ti duti na ambeni raison so apusu ala ti duti na mbeni bango ndo so ayeke na lege ni ape na ndo ti lo (1 aCor. 4:4). Tongana a-ancien amû na mo mbeni nzoni wango so alondo na yâ ti Bible, sara ngangu ti mä ni sân ti sara ngonzo. Na pekoni, sara ye alingbi na awango so ala mû na mo.

KA TONGANA MO KU GBÄ?

Na lê ti ambeni ita ayeke mo bâ mo tene ala ku aninga mingi ti ga ancien. Na ambeni ngoi ngonzo asara mo ndali ti so a sara angu mingi awe la mo yeke ‘gi kusala ti zo ti bango ndo na ndo ti congrégation’? Tongana a yeke tongaso, bâ tënë so Bible atene: “Ye ti beku so asi fade pëpe amû kobela na bê ti zo, me tongana ye so bê aye asi, a ga keke so amû fini.”aProv. 13:12.

Tongana mbeni zo aye mingi ti sara mbeni ye si lo ku ye ni so gbä, bê ti lo alingbi ti son. A yeke ye so asi na Abraham. Jéhovah atene na lo so lo yeke wara ande mbeni molenge ti koli, me tongana angu ahon lo na Sara ayeke na molenge oko ape (Gen. 12:1-3, 7). Na ngoi so ngu ti Abraham ague na li ni mingi, lo toto na Nzapa, lo tene: “O Seigneur L’Éternel, fade Mo mû na mbi nyen? Mbi yeke gue, mbi dü molenge pëpe . . . Mo mû hale na mbi pëpe.” Jéhovah adë bê ti lo atene so tënë so ni tene na lo ayeke ga tâ tënë. Me a sara ngu 14 tongaso na pekoni awe si ye ni asi.Gen. 15:2-4; 16:16; 21:5.

Na ngoi so Abraham ayeke ku lani, lo woko na yâ ti kua ti Jéhovah? Ên-ën. Lo yeke na kite oko na ndo ti azendo ti Nzapa ape. Lo ngbâ ti ku ye ti nzoni so ayeke ga. Bazengele Paul atene: “Tongana Abraham afa so lo hinga ti kanga bê ti ku ye, lo wara zendo ni so.” (aHéb. 6:15). Na nda ni Nzapa ti ngangu ahon kue airi tënë nzoni na ndo ti Abraham, so ayeke be-ta-zo, ahon so lo ku fade. Nyen la e lingbi ti manda na lege ti Abraham nyen?

Tongana mo ye ti ga ancien a sara angu mingi awe me mo ga ape, ngbâ lakue ti zia bê ti mo na ndo ti Jéhovah. Woko na yâ ti kua ti Jéhovah ape. Warren, mbeni ita so amû maboko na aita mingi ti gue na li ni na lege ti yingo, atene: “A lingbi ti mû ngoi mingi ti tene a bâ so mbeni ita alingbi ti ga ancien. Tongana  ngoi ayeke hon, asarango ye ti mbeni ita nga na bango ndo ti lo ayeke sigigi yeke na yeke na yâ ti sarango ye ti lo nga na yâ ti sarango akua so a mû na lo. Ambeni ita abâ atene ala lingbi ti sara kua ti Jéhovah nzoni gi tongana ala sara kua so bê ti ala aye na yâ ti bungbi. Bango ndo so ayeke na lege ni ape nga alingbi ti sara si zo asara kota bê. Atâa ndo so mo yeke dä wala kua so mo sara tongana mo yeke be-ta-zo na Jéhovah mo yeke duti na ngia.”

Mbeni ita-koli aku teti angu bale-oko na ndo ni kozo si lo ga ancien. Na ngoi so lo yeke sara tënë na ndo ti Ézéchiel chapitre oko lo fa ye so lo manda na lege ni. Lo tene: “Jéhovah ayeke kpe na char ti lo, wala lo yeke fa lege na bungbi ti lo, na loro so lo wani lo ye. A yeke l’heure ti Jéhovah la ayeke kota me pëpe l’heure ti e. A yeke pëpe na mbi ti soro lango so mbi yeke ga ancien, ye so ayeke kota ye ayeke pëpe ye so mbi ye wala ye so mbi ye ti sara. Peut-être ye so mbi ye ayeke ye so Jéhovah ahinga so mbi yeke na bezoin ni ape.”

Tongana mo ye mbeni lâ ti sara kusala so ayeke nzoni mingi ti zo so ayeke bâ ndo na ndo ti congrégation, gi ni na lege so mo yeke sara nga si aita na yâ ti congrégation aduti na ngia. Tongana mo bâ so pasa ni aga hio ape, gi bê ti mo ape nga kanga bê ti mo. Raymond, so e sara tënë ti lo fade, atene: “Tongana mo ye ti wara gi ye hio hio mo lingbi pëpe ti duti na ngia na ye so mo yeke na ni. Aita so ayeke gi bê ti ala lakue ahinga pëpe ngia so zo ayeke wara na sarango kua ti Jéhovah.” Gi ti lë ambage nde nde ti lengo ti yingo, mingi ni, kangango bê. Sara ngangu ti kpengba na lege ti yingo na lege ti mandango Bible. Fa nzoni tënë mingi nga manda Bible na ala so aye. Mû li ni na yâ ti sewa ti mo ti sara akusala ti e ti aChrétien nga ti voro Nzapa na yâ ti sewa. Duti na ngia na ngoi kue so mo yeke na popo ti aita ti mo. Na ngoi so mo yeke sara ambeni ye ti si na ye so mo zia na gbele mo, a yeke sara si mo ngbâ ti sara kua ti Jéhovah na ngia.

Tongana mbeni ita ayeke gi ti sara aye so a hunda ti tene lo sara kua na yâ ti congrégation, a yeke mbeni ye so ayeke mû lege na Jéhovah ti iri tënë nzoni na ndo ti lo. Jéhovah nga na bungbi ti lo aye pëpe ti tene bê ti aita so ason wala ala yeke na vundu na yâ ti kua ti ala. Nzapa ayeke mû maboko na azo kue so asara kua ti lo na nzoni bê nga lo yeke iri tënë nzoni na ndo ti ala. Aye ti nzoni kue so lo yeke sara ndali ti ala, “Lo zia vundu dä pëpe.”aProv. 10:22.

Même tongana a ninga awe la mo yeke gi kusala, ambeni ye mingi ayeke dä so mo lingbi ti sara ti ngbâ ti kpengba songo ti mo na Jéhovah. Tongana mo yeke sara kue ti duti na asarango ye so a hunda nga mo yeke sara kua ngangu na yâ ti congrégation na mo yeke mû maboko na sewa ti mo, Jéhovah ayeke girisa pëpe aye kue so mo sara ndali ti lo. Zia mo ngbâ ti sara kua ti Jéhovah na ngia atâa kua wa la a mû na mo.

^ par. 2 A changé airi so ayeke na yâ ti article so.

^ par. 8 Tënë so ayeke na yâ ti article so abâ nga aita so ayeke na nzara ti ga wakua ti mungo maboko. Aye so a hunda na ala ayeke na 1 Timothée 3:8-10, 12, 13.