Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo (ti mandango ni)  |  Décembre 2017

Mo dabe ti mo na ni?

Mo dabe ti mo na ni?

Mo diko a-article ti Tour ti Ba Ndo so asigi ade ti ninga ape so nzoni? Bâ wala mo lingbi ti kiri tënë na ahundango ndo so ge:

Ti tene ababâ na amama so aga gango amû maboko na amolenge ti ala na lege ti yingo, ngbanga ti nyen la a lingbi ala bâ yanga ti kodro so amolenge ni ayeke tene?

Peut-être amolenge ayeke manda ande yanga ti kodro ti ndo ni na ekole nga na lege ti amba ti ala. Tongana molenge ahinga ayanga ti kodro mingi alingbi ti ga na ye ti nzoni. A lingbi ababâ na amama agbu li ti ala na ndö ti ndo so amolenge ti ala alingbi ti mä yâ ti tâ tënë dä nzoni nga ti gue na li ni na lege ti yingo, atâa a yeke congrégation ti yanga ti kodro ti ndo ni wala ti yanga ti kodro ti ala so aga gango. Ababâ na amama so ayeke aChrétien azia aye so amolenge ti ala abezoin ni kozo na aye so agbu bê ti ala.—w17.05, l. 9-11.

Tongana Jésus ahunda Pierre atene: “Mo ye mbi ahon aye so?” Jésus ayeke sara lani tënë ti nyen la? (Jean 21:15).

Na bango ni, Jésus ayeke sara lani tënë ti asusu so ayeke na sese na terê ti ala wala lo yeke sara tënë ti kua ti gingo asusu wala lo yeke sara tënë ti aye so use kue. Na peko ti kuâ ti Jésus, Pierre akiri lani na terê ti ngbene kua ti lo ti gingo susu. A lingbi aChrétien agi ti bâ wala kua ti nginza ti ala la agbu bê ti ala mingi?—w17.05, l. 22-23.

Kode wa la Elias Hutter asara lani kua na ni ti mû maboko na azo so aye ti manda Hébreu?

Lo ye lani ti mû maboko na a-élève ti lo ti hinga gunda ti ambupa ti Hébreu so ayeke na yâ ti Bible nga na atënë so a zia na devant ni wala na pekoni. Ti sara ni, lo sû agunda ti mbupa oko oko avuko vukongo, me ti alê ti atënë so a zia na devant wala na peko ti agunda ti ambupa ni, lo sû alê ti tënë ni avuko ape. Na yâ ti Bible Les Saintes Écritures. Traduction du monde nouveau (avec notes et références) a sara kua na oko kode ni so na place so a zia akete tënë na gbe ni dä.wp17.4, l. 11-12.

Atënë wa la alingbi ti mû maboko na mbeni Chrétien so aye ti duti na mbeni ngombe ti bata na terê ti lo si ambeni zo asara sioni na lo ape?

Bâ ambeni tënë ni: Na lê ti Jéhovah, fini ti azo ayeke nzoni-kue. Jésus atene na adisciple ti lo ti mû a-épée na terê ti ala, me a yeke ti bata na terê ti ala ape (Luc 22:36, 38). A lingbi e pika a-épée ti e si aga alê ti kpoka ti charrue. E bâ fini na nene ni mingi ahon aye ti sese. E ne conscience ti amba ti e nga e ye ti duti nzoni tapande (2 aCor. 4:2).—w17.07, l. 31-32.

Ngbanga ti nyen la mbaï ti fini ti Jésus na ngoi so lo de kete so Matthieu afa ayeke nde na ti so Luc afa?

Évangile ti Matthieu asara tënë mingi na ndö ti Joseph, na tapande, a fa ye so lo sara na ngoi so lo hinga so Marie ayeke na ngo, na ngoi so Nzapa atokua mbeni ange ti wa lo ti tene lo na sewa ti lo akpe ague na Égypte nga na pekoni ti kiri na kodro ti Israël. Évangile ti Luc asara tënë mingi na ndö ti Marie; na tapande, ngoi so Marie ague abâ Élisabeth nga na ye so Marie asara na ngoi so Jésus so lo de molenge angbâ lani na temple.—w17.08, l. 32.

Bible angbâ lakue atâa akpale wa?

Tongana ngoi ayeke hon, nda ti ambeni tënë so Bible asara kua na ni achangé. Aye ti poroso so achangé ayeke ndu nga yanga ti kodro so azo ayeke tene ni mingi. Azo akanga lege lani na azo so akiri peko ti Bible na ayanga ti kodro so azo ayeke tene ni mingi.—w17.09, l. 19-21.

Eskê e yeke na mbeni ange so kua ti lo ayeke ti bata e?

Ên-ën. Jésus asara tënë ti a-ange ti adisciple ti lo so ayeke bâ lê ti Nzapa (Mat. 18:10). Jésus aye ti fa so a-ange aye mingi ti bâ aye so adisciple ti lo ayeke sara, me lo ye pëpe ti fa so a-ange ayeke bata ala oko oko kue na lege ti miracle.—wp17.5, l. 5.

Ndoye wa la ayeke kota mingi?

Na ngoi so agapê aluti na ndö ti anzoni mama-ndia, a yeke ndoye so ayeke kota mingi. Ndoye so apusu zo ti ye amba ti lo mingi nga ti sara nzoni bê na ala, me a ngbâ na ndö ti atënë ti bê ti zo ape. Zo ayeke fa ni na lege ti aye so lo sara ti mû maboko na amba ti lo.—w17.10, l. 7.