Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO (TI MANDANGO NI) AVRIL 2016

Atënë so azo ahunda

Atënë so azo ahunda

Paul aye ti tene nyen tongana lo tene Nzapa amû na aChrétien so a soro ala ti gue na yayu “ye so afa atene ye so ayeke ga ayeke si biani” nga “lo kpo nzoroko ti lo na ndo ti” ala?2 aCor. 1:21, 22.

Ândö, a sara kua na cachet so a yü ni tongana bague ti kpo nzoroko na ndo ti aye wala na ndo ti mbeni mbeti ti fa so ayeke tâ ye ni

Ye so afa atene ye so ayeke ga ayeke si biani: Mbeni mbeti atene so tënë ti Grec so a kiri pekoni tongaso na 2 aCorinthien 1:22 so ayeke mbeni “tënë ti ndia so azo ti dengo buze ayeke sara nga kua na ni.” Ndani aye ti tene “kozo mbage ti nginza so mbeni zo ayeke mû ti vo mbeni ye, wala yanga so zo amû so andu vongo mbeni ye, na zo ni ayeke sara aye so kue kozo ti tene lo wara ye ni, na ye so la ayeke sara si ndia abata ye so zo ni aye ti vo, nga a yeke sara si yanga so azo amû na ndo ti mbeni ye aluti.” Ti azo so a soro ala ti gue na yayu, a fa futa ti ala ni kue na 2 aCorinthien 5:1-5 tongana yungo tere so alingbi ti buba ape so ayeke ti yayu. Futa ni andu nga warango fini so alingbi ti hinga kuâ ape.—1 aCor. 15:48-54.

Na yanga ti Grec so azo ayeke tene laso, tënë ni aye ti sara tënë ti bague ti afiancé. So ayeke mbeni pendere tapande ndali ti ala so ayeke ga ande tongana wali ti Christ.—2 aCor. 11:2; Apoc. 21:2, 9.

Kpongo nzoroko: Ândö, a yeke sara kua na ni tongana signature ti fa wa ti mbeni ye, ti fa so ye ni so ayeke tâ ye ni wala ti yeda na mbeni ye. Ti aChrétien so a soro ala ti gue na yayu, a “kpo nzoroko”, wala a zia marque na ndo ti ala na lege ti yingo vulu ti tene ala ga ti Nzapa (aÉph. 1:13, 14). Ye oko, nzoroko so ayeke ti biani biani ape, ndali ti so a yeke kpo nzoroko ti biani biani ni na ndo ti lê ti ala gi mbeni ngoi kete kozoni si zo ni akui be-ta-zo wala ngoi kete kozoni si kota ye ti vundu akomanse.—aÉph. 4:30; Apoc. 7:2-4.