Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

TOUR TI BA NDO NO. 5 2016

Bible atene ti lo nyen?

Bible atene ti lo nyen?

Royaume ti Nzapa ayeke nyen?

AMBENI ZO ATENE so a yeke komandema ti Nzapa na yâ ti bê ti zo; ambeni atene so Royaume ti Nzapa ayeke ga gi na ngoi so azo kue asara kua maboko na maboko ti ga na siriri nga na mango tere. Ka mo, mo tene ti mo nyen?

YE SO BIBLE AFA

“Fade Nzapa ti yayu ayä royaume so afuti lâ oko pëpe, . . . fade royaume so afâ . . . royaume [ti azo] so kue nduru nduru.” (Daniel 2:44). Royaume ti Nzapa ayeke mbeni tâ gouvernement.

AMBENI YE SO BIBLE AFA NA NDO NI

  • Royaume ti Nzapa ayeke duti na yayu si ayeke komande.—Matthieu 10:7; Luc 10:9.

  • Nzapa ayeke sara kua na Royaume ni so ti sara ye so bê ti lo aye na yayu nga na sese.—Matthieu 6:10.

Royaume ti Nzapa ni ayeke ga lawa?

KIRINGO TËNË TI MO AYEKE . . .

  • Zo oko ahinga lango ni ape

  • A ga nduru ti si awe

  • A yeke ga lâ oko ape

YE SO BIBLE AFA

“A yeke fa ande nzoni tënë ti royaume so na ndo ti sese kue so azo ayeke dä tongana mbeni tënë ti témoin ndali ti amara kue. Na pekoni, nda ni ayeke ga.” (Matthieu 24:14). Tongana a fa tënë ni nzoni na ndo ti dunia kue awe, fade Royaume ni ayeke sara si asioni ye ti dunia ti laso ayeke hunzi.

AMBENI YE SO BIBLE AFA NA NDO NI

  • Zo oko na ndo ti sese ahinga pëpe mbilimbili lango so Royaume ti Nzapa ayeke si ande.—Matthieu 24:36.

  • Aprophétie ti Bible afa so Royaume ti Nzapa aga nduru ti si awe.—Matthieu 24:3, 7, 12.