Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

TOUR TI BA NDO NO. 4 2016

 KOTA MAMA-TENE NI | BIBLE—AYE TI NGANGU WA LA ASI NA LO?

Ngbanga ti nyen la Bible angbâ?

Ngbanga ti nyen la Bible angbâ?

Bible angbâ atâa aye ti ngangu so asi na lo. Ndani la, mo lingbi ti wara mbeni Bible nga ti diko ni laso. Nga tongana mo soro mbeni nzoni traduction ti Bible, a lingbi mo hinga biani so mo yeke diko Bible so atënë ni ague oko na ti so a sû ni ândö. * Me ngbanga ti nyen la Bible angbâ atâa so alingbi fade ti buba, a gi ti kanga lege na ni ngangu nga a gi ti changé atënë ti yâ ni? Nyen la asara si Bible ayeke nde mingi?

“Mbi yeda fadeso awe so Bible so mbi yeke na ni ayeke mbeni matabisi so alondo na Nzapa”

Mingi ti azo so amanda Bible ayeda na tënë ti Paul so lo sû lani na mbeti, lo tene: “Atënë kue ti yâ ti Mbeti ti Nzapa, a sara ni na mbeti na gbe ti yingo ti Nzapa.” (2 Timothée 3:16). Ala mâ na bê so Bible angbâ ndali ti so a yeke gi oko Tënë ti Nzapa nga ndali ti so Nzapa abata ni juska laso. Faizal, so a sara tënë ti lo na tongo nda ti mbeni mbage ti mbeti so, ayeda na nda ni ti manda Bible ti gi ti bâ wala atënë ni so ayeke tâ tënë. Ye so lo manda apika bê ti lo mingi. Gi hio tongaso, lo bâ so gbâ ti afango ye ti a-eglize ayeke na yâ ti Bible pëpe. Na ndo ni, ye so lo manda na yâ ti Bible, na ndo ti ye so Nzapa aleke ti sara ndali ti sese, andu lani bê ti lo.

Lo tene: “Mbi yeda fadeso awe so Bible so mbi yeke na ni ayeke mbeni matabisi so alondo na Nzapa. Na ndo ni, so Nzapa la aleke dunia kue so, eskê lo yeke na ngangu ti mû na e mbeni mbeti nga ti bata ni ndali ti e ape? Tongana kiringo tënë ni ayeke ên-ën, a yeke mo bâ mo tene, e tene so ngangu ti Nzapa ayeke na katikati, lo so ngangu ti lo ahon angangu kue! Nga mbi yeke zo wa ti zia katikati na ngangu ti Nzapa?”—Ésaïe 40:8.

^ par. 3 Bâ article “Comment choisir une bonne traduction de la Bible ?” na yâ ti Tour ti Ba Ndo ti lango 1 ti mai 2008 na Français.

TI HINGA AMBENI TËNË

MBETI TI NZAPA TI FINI DUNIA

Bible ague tongana nyen ngbii si asi na e laso?

E yeke na kite ape so abibe so ayeke na yâ ti akozo bible so a ŝu giriri angbâ lakue na yâ ti abible ti laso.

TOUR TI BA NDO

Aye ti nzoni wa la zo ayeke wara ni tongana lo mä yâ ti Bible?

Azo mingi abâ Bible na nene ni mingi sân ti hinga tongana nyen la ala peut ti wara ye ti nzoni dä.