Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO NO. 4 2016

Bible atene ti lo nyen?

Bible atene ti lo nyen?

Bungbi ti Nzapa ayeke mbeni ye so zo la asigigi na ni?

AMBENI ZO ATENE so bungbi ti Nzapa ayeke mbeni ye so zo la asigigi na ni; ambeni apensé so Nzapa ayeke sara kua na ni ti mû maboko na azo ti ga nduru na lo. Ka mo, mo tene ti mo nyen?

YE SO BIBLE AFA

A lingbi ti wara mbeni bungbi ti Nzapa so “ayeke na sioni pëpe nga so saleté ayeke dä pëpe na lê ti Nzapa Babâ ti e”. (Jacques 1:27). Bungbi ti Nzapa so ayeke nzoni-kue, wala tâ bungbi ti Nzapa, alondo na Nzapa.

AMBENI YE SO BIBLE AFA NA NDO NI

  • Ti nzere na lê ti Nzapa, a lingbi afango ye ti mbeni bungbi ti Nzapa aluti na ndo ti ye so Bible afa.—Jean 4:23, 24.

  • Abungbi ti nzapa so afango ye ti ala aluti na ndo ti ndara ti azo ayeke ye oko ape.—Marc 7:7, 8.

A yeke nzoni ti duti na yâ ti mbeni bungbi ti Nzapa?

KIRINGO TËNË TI MO AYEKE . . .

  • En

  • Ên-ën

  • Mbi hinga ape

YE SO BIBLE AFA

“Zia e bi lê na ndo ti mba ti pusu mba ti duti na ndoye na ti sara apendere kusala, e kpe bungbi ti e pëpe.” (aHébreu 10:24, 25). Nzapa aye si azo so ayeke voro lo aga mbeni bungbi so a fa lege na ni nzoni.

AMBENI YE SO BIBLE AFA NA NDO NI

  • A lingbi tënë ti mabe ti azo so ayeke bungbi place oko ti voro Nzapa aduti oko.—1 aCorinthien 1:10, 11.

  • Azo so ayeke na yâ ti bungbi so Nzapa ayeda na ni ayeke tongana mbeni sewa ti aita na ndo ti sese kue.—1 Pierre 2:17.

 

TI HINGA AMBENI TËNË

Nyen la ayeke si ande na abungbi ti vorongo Nzapa?

Mbeni lâ ande azo kue ayeke vorongo gi oko tâ Nzapa la?