Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  No. 4 2017

Mingi ti azo ti akota bungbi ti nzapa amä na bê na tënë ti âme so akui ape

 KOTA MAMA-TENE NI | BIBLE ATENE NYEN NA NDÖ TI FINI NGA NA KUÂ?

Tongana zo akui, eskê lo yeke na fini na mbeni ndo?

Tongana zo akui, eskê lo yeke na fini na mbeni ndo?

BANGO ndo ti azo ayeke nde nde na ndö ti fini nga na kuâ. Ambeni apensé so ala yeke duti na fini na peko ti kuâ ti ala, peut-être na mbeni terê so ayeke nde wala na mbeni ndo. Ambeni nga apensé so a yeke kiri ti dü ala si ala komanse mbeni fini gigi. Ti ambeni encore, ala pensé so tongana zo kui, ti lo ahunzi awe.

Mo peut ti duti na bango ndo ti mo wani na ndö ti tënë so. Bango ndo ni alingbi ti gue oko na aye so babâ na mama ti mo afa na mo wala mo wara ni na ndo so mo kono dä. So bango ndo ti azo ayeke nde nde na ndö ti ye so ayeke passé na peko ti kuâ ti zo so, eskê mbeni zo wala mbeni ndo ayeke dä so e lingbi ti tourné na mbage ni ti wara atâ kiringo tënë na hunda so?

A sara angu mingi awe la akota zo ti nzapa afa so âme ayeke kui ape. Mingi ti azo ti akota bungbi ti nzapa, na tapande aChrétien, aHindou, aJuif, aMusulman nga na ambeni, amä na bê na tënë ti âme so akui ape, so ti tene âme ni ayeke ngbâ na fini na peko ti kuâ ti zo, nga lo yeke gue na yayu. Na mbage, aBouddhiste amä na bê so na peko ti so a kiri adü zo fani mingi, mbeni ngangu so ayeke na yâ ti zo ayeke sigi ti gue ti wara mbeni nzoni dutingo so a iri ni Nirvana.

Ndali ti amara ti afango ye tongaso, mingi ti azo na yâ ti dunia apensé so kuâ ayeke zi lege na zo ti duti na fini na mbeni ndo. Ti azo mingi, kuâ ayeke mbeni kota mbage ti ye so ayeke si na yâ ti gigi ti zo, na ti ala a kpa mo bâ mo tene kuâ ayeke na popo ti aye so Nzapa aleke. Me nyen la Bible atene ti lo na ndö ti tënë so? E wa mo ti diko mbage so ayeke ga na peko so. Kiringo tënë ni alingbi ti duti nde na ti so mo pensé.