Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Tour ti Ba Ndo  |  No. 5 2017

 KOTA MAMA-TENE NI | BIBLE ATENE NYEN NA NDÖ TI A-ANGE?

Tâ tënë na ndö ti a-ange

Tâ tënë na ndö ti a-ange

Eskê mo ye ti hinga tâ tënë na ndö ti a-ange? Ala yeke azo wa, ala bâ gigi tongana nyen nga kua ti nyen la ala yeke sara? A yeke gï na yâ ti Bible, so ayeke Tënë ti yanga ti Nzapa, la mo lingbi ti wara nzoni kiringo tënë na ahunda ni so (2 Timothée 3:16). Nyen la Bible afa na e na ndö ni?

  • Tongana ti so Nzapa ayeke mbeni Yingo, a-ange nga ayeke ambeni créature so zo alingbi ti bâ ala ape. Ala yeke “na mitele nga na bio pëpe.” A-ange so ayeke be-ta-zo ayeke na yayu na terê ti Nzapa.​—Luc 24:39; Matthieu 18:10; Jean 4:24.

  • Na ambeni ngoi lani, a-ange ayeke mû terê ti zo la ala ga na sese ti sara akua so Nzapa atokua ala ndali ni, na pekoni tongana kua ni ahunzi awe ala mû terê ti yingo ala kiri.​—aJuge 6:11-23; 13:15-20.

  • Atâa so na yâ ti Bible a fa a-ange tongana ambeni créature so ayeke akoli, nga lakue ala mû ka gï terê ti akoli, na popo ti ala koli wala wali ayeke dä ape. Ala yeke sara mariage ape nga ala yeke dü ape. Mbeni ye ni ayeke so, a-ange akomanse ti bâ gigi tongana azo na sese ge ape, so ti tene ala yeke pëpe abébé, wala amolenge wala akota zo so akui si na pekoni ala gue na yayu. Jéhovah la aleke a-ange; ndali ni la Bible airi ala “amolenge ti tâ Nzapa”.​—Job 1:6; Psaume 148:2, 5.

  • Bible asara tënë ti “ayanga ti kodro ti azo nga na ti a-ange,” so aye ti fa so azo ti yingo so ayeke na yanga ti kodro ti ala nga ala yeke sara tënë. Atâa so Nzapa atokua a-ange ti ga ti sara tënë na azo, lo mû lege na e pëpe ti voro a-ange wala ti sambela ala.​—1 aCorinthien 13:1; Apocalypse 22:8, 9.

  • Ala yeke gbani gbani, âmanke ala yeke milliard mingi.​—Daniel 7:10; Apocalypse 5:11.

  • A-ange “ayeke na ngangu mingi,” ala yeke na ngangu mingi nga ala hinga ndo mingi ahon azo. Ala peut ti voyagé ti gue na mbeni ndo na mbeni loro so ahon gbungo li ti zo, sân ti tene mbeni ye akanga lege na ala.​—Psaume 103:20; Daniel 9:20-23.

  • Atâa so ala hinga ndo mingi nga ala yeke na ngangu mingi, a-ange ayeke na akatikati ti ala nga ambeni ye ayeke dä so ala hinga ape.​—Matthieu 24:36; 1 Pierre 1:12.

  • A-ange oko oko ayeke na asarango ye ti ala, ala yeke na asarango ye ti terê ti Nzapa nga ala lingbi ti sara ye so ala ye. Ala lingbi ti soro ti sara ye ti nzoni wala ye ti sioni. Mawa ni ayeke so ambeni na milieu ti ala asoro ti ke yanga ti Nzapa.​—Jude 6.