Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO (TI MANDANGO NI) AOÛT 2016

Mo bâ so mo yeke na bezoin ti gue na li ni na lege ti yingo?

Mo bâ so mo yeke na bezoin ti gue na li ni na lege ti yingo?

“Mo ngbâ ti mû bê ti mo kue na dikongo mbeti na gbele azo, na mungo wango na ala nga na fango ye na ala.”—1 TIM. 4:13.

ABIA: 45, 70

1, 2. (a) Tongana nyen la Ésaïe 60:22 aga tâ tënë na ngoi ti nda ni so? (b) Bezoin wa la ayeke dä mingi laso na yâ ti mbage ti bungbi ti Jéhovah so ayeke na sese?

“FADE lo so ayeke kete aga saki oko, na lo so ayeke kete mingi aga mara ti ngangu”. (És. 60:22). Prophétie so angbâ ti ga tâ tënë na alango ti nda ni so. Na ngu ti kusala 2015, awafango tënë ti Royaume 8 220 105 afa tënë mingi na yâ ti dunia kue. Ndangba mbage ti prophétie ni adoit ti ndu e aChrétien oko oko kue, ndali ti so Babâ ti e ti yayu atene: “Mbi, L’Éternel, fade Mbi sara si ye so aga fade fade tongana lâ ni alingbi.” Legeoko tongana ti azo so ayeke na yâ ti mbeni oto so akpe loro mingi, e bâ so kua ti sarango adisciple ayeke gue na li ni na loro mingi. Sarango ye ti e wani na ndo ti guengo na li ni so ayeke tongana nyen? E yeke sara ye kue so e lingbi ti sara ti ga awafango tënë so ayapu? Aita-koli na aita-wali mingi ayeke sara kua ti pionnier permanent na ti pionnier auxiliaire. Nga, a nzere na e mingi ti bâ so aita mingi ayeda ti gue na ando so bezoin ti awafango tënë ayeke dä mingi nga ti bâ ambeni so ayeke sara kua ngangu ti leke aDa ti Royaume.

 2 Na oko ngoi ni, e bâ so kota bezoin ti gbâ ti awakua ayeke dä. Ngu oko oko afini congrégation 2 000 tongaso ayeke bâ gigi. Tongana a hunda ti wara a-ancien 5 na yâ ti acongrégation oko oko, a lingbi awakua ti mungo maboko 10 000 agi ti ga a-ancien ngu oko oko. So aye ti tene so a lingbi aita-koli saki mingi alë alengo so alingbi, tongaso si ala ga awakua ti mungo maboko. Na ndo ni, atâa e yeke ita-koli wala ita-wali, e yeke biani na “ye mingi ti sara na yâ ti kusala ti Seigneur”.—1 aCor. 15:58.

TI GUE NA LI NI NA LEGE TI YINGO AYE TI TENE NYEN?

3, 4. Aye ti yingo wa la mo zia na gbele mo?

3 Diko 1 Timothée 3:1. Tënë ti Grec so a kiri peko ni na ‘gi kusala’ aye ti tene ti yôro maboko ti mo ti mû mbeni ye, peut-être mbeni ye so ayo na mo. Na sarango kua na tënë so, Paul afa biani so ti gue na li ni na lege ti yingo a hunda ti sara kua ngangu. Tara ti bâ mbeni ita-koli so ayeke gbu li na ndo ti kua so lo ye ti sara ande na yâ ti congrégation. Peut-être ade lo ga wakua ti mungo maboko ape, me lo bâ so a lingbi lo maï anzoni sarango ye na lege ti yingo. Kozoni kue, lo yeke sara kue ti sara aye so alingbi ti mû lege na lo ti ga wakua ti mungo maboko. A si na mbeni ngoi, lo pensé so a yeke nzoni lo maï asarango ye ti Chrétien ti ga ancien. Na yâ ti aye so oko oko kue, lo yeke sara kua ngangu ti duti na asarango ye so alingbi ti mû lege na lo ti sara na akua so lo kiri lo wara na yâ ti congrégation.

4 Legeoko nga, aita-koli na aita-wali so aye ti ga apionnier, ti sara kua na Béthel wala ti mû tere ti ala tongana avolontaire ti leke aDa ti Royaume, a yeke nzoni ala sara ngangu kue ti si na aye so ala leke na bê ti ala ti sara. Zia e bâ tongana nyen la Bible awa azo kue ti gue na li ni na yâ ti tâ vorongo.

SARA KUE TI GUE NA LI NI NA LEGE TI YINGO AHON TI KOZO

5. Tongana nyen la amaseka alingbi ti sara kua na ngangu ti ala na yâ ti kua ti Royaume?

5 Amaseka alingbi ti sara aye mingi na yâ ti kua ti Jéhovah ndali ti so ala yeke na ngangu nga na nzoni seni. (Diko aProverbe 20:29.) Ambeni ita so ayeke amaseka so asara kua na Béthel ayeke imprimé ambeti ti e nga ala yeke tingbi alembeti ti aBible nga na ambeti ti e nga ala zia acouverture ni dä. Aita mingi, amaseka-koli na amaseka-wali, ayeke mû mbage na kua ti lekengo aDa ti Royaume nga ala yeke bâ lege ni. Ambeni ayeke mû maboko na bê ti ala wani na ngoi so aye tongana ngu, pupu wala yengingo ti sese aga na kpale. Nga, apionnier mingi ayeke manda mbeni yanga ti kodoro wala ala yeke gue na mbeni kodoro ti fa nzoni tënë.

6-8. (a) Tongana nyen la mbeni maseka-koli achangé bango ndo ti lo na ndo ti kua ti Nzapa? Ye ti peko ni ayeke nyen? (b) Tongana nyen la e lingbi ti ‘tara na ti bâ so Jéhovah ayeke nzoni’?

6 Kite ayeke dä ape so mo bâ so a yeke kota ye ti tene e sara kua ti Jéhovah na bê ti e kue. Me ka tongana tënë ti bê ti e ague oko na bango ndo so mbeni ita so iri ti lo ayeke Aaron ayeke na ni kozo? Atâa so a bata lo na yâ ti sewa so ayeke voro Jéhovah, lo tene: “Guengo na abungbi nga fango tënë anzere na mbi ape.” Lo ye lani ti sara na Nzapa na ngia me lo hunda tere ti lo ti hinga ndani so lo yeke na ngia ape. Nyen la lo sara lani?

7 Aaron asara ngangu ti diko Bible lâ na lâ, ti leke abungbi nga ti mû acommentaire na ngoi ti abungbi ni. Lo komanse ti sambela mingi ahon ti kozo. Lo kiri lo ye Jéhovah mingi, ye so asara si lo komanse ti gue na li ni nzoni na lege ti yingo. Ngbene ye na ngoi ni so, Aaron aga pionnier, lo sara kua na ambeni ita so ayeke mû maboko na ngoi ti akpale nga lo gue lo fa tënë na mbeni kodoro-wande. Aaron ayeke sara kua fadeso na Béthel nga lo yeke ancien. Lo bâ aye so lo sara so tongana nyen? Lo tene: “Mbi ‘tara na mbi bâ so Jéhovah ayeke nzoni.’ Ndali ti so lo iri tënë nzoni na ndo ti mbi, mbi bâ so bon ti lo ayeke na li ti mbi na apusu mbi ti sara aye mingi na yâ ti kua ti lo, na mbi wara gbâ ti tufa na peko ni.”

8 Mbeni zo ti sungo psaume ahe bia, lo tene: “Azo so agi L’Éternel, fade nzoye oko amanke  ala pëpe.” (Diko Psaume 34:9-11.) Biani, Jéhovah ayeke zia vundu lâ oko pëpe na bê ti azo so ayapu na yâ ti kua ti lo. Tongana e sara ye kue so e lingbi ti sara na yâ ti kua ti Jéhovah, e wani e yeke ‘tara na e yeke bâ so Jéhovah ayeke nzoni.’ Nga, tongana e voro Jéhovah na bê ti e kue, e yeke wara ngia so mbeni ye ti lingbi na ni ayeke dä ape.

NGBÂ TI GUE NA LI NI NA KIRI NA PEKO PËPE

9, 10. Ngbanga ti nyen a yeke kota ye ti tene mo ngbâ ti ku?

9 Na ngoi so mo yeke gi ti si na aye so mo leke na bê ti mo ti sara, a yeke nzoni mo ngbâ ti ku (Mi. 7:7). Jéhovah ayeke mû maboko lakue na awakua be-ta-zo ti lo, même atâa so lo lingbi ti zia lege na ala ti ku akua so ala ye ti sara wala ti ku ti tene duti ti ala achangé si. Lo tene lani na Abraham so lo yeke wara ande molenge ti koli, me a lingbi Abraham aduti na mabe nga lo ku (aHéb. 6:12-15). Atâa so Abraham aku dungo Isaac angu mingi, bê ti lo anze pëpe, nga Jéhovah azia vundu na bê ti lo pëpe.—Gen. 15:3, 4; 21:5.

10 Ti ku mbeni ye ayeke kete ye ape (aProv. 13:12). Tongana e yeke pensé mingi na ndo ti vundu so asara e, bê ti e alingbi ti nze. Me, a yeke nzoni e sara kua na ngoi ti e nzoni ti gi ti maï ambeni nzoni sarango ye so e yeke na bezoin ni ti sara ambeni kua na yâ ti congrégation. Zi e bâ aye ota so afa na e tongana nyen ti sara ni.

11. Anzoni sarango ye na lege ti yingo wa la e lingbi ti gi ti duti na ni? Ngbanga ti nyen la asarango ye so ayeke kota ye?

11 Gi ti maï anzoni sarango ye na lege ti yingo. Tongana e yeke diko Bible nga e yeke gbu li na ndo ni, e lingbi ti sara ye na ndara, ti mû  anzoni desizion, ti wara hingango ye, ti gbu li nzoni nga ti bata bibe ti e nzoni. Asarango ye so ayeke kota ye mingi ndali ti azo so ayeke mû li ni na yâ ti tâ vorongo Nzapa (aProv. 1:1-4; Tite 1:7-9). Nga tongana e yeke diko ambeti ti e, e lingbi ti hinga bango ndo ti Nzapa na ndo ti aye mingi. Lâ na lâ, e yeke tingbi na akpale so andu tënë ti ngia, yungo bongo, lekengo kuä ti li, sarango kua na nginza nga sarango songo na azo. Tongana e sara ye alingbi na aye so e manda na yâ ti Bible, e lingbi ti mû anzoni desizion so anzere na Jéhovah.

12. Tongana nyen la aita ti congrégation alingbi ti fa so zo alingbi ti zia bê na ndo ti ala?

12 Fa so zo alingbi ti zia bê na ndo ti mo. Atâa e yeke ita-koli wala ita-wali, a yeke nzoni e sara kue ti bâ lege ti akua kue so a mû na e na yâ ti bungbi. Néhémie, so ayeke gouverneur, ayeke lani na bezoin ti soro azo ti mû li ni na ndo ti akua na popo ti awakua ti Nzapa. Azo wa la lo soro ala? Lo soro azo so akpe mbeto ti Nzapa nga so zo alingbi ti zia bê na ndo ti ala (Néh. 7:2; 13:12, 13). Laso nga kue, “ye so a yeke gi na mbage ti awabatango ye ayeke ti tene ala duti be-ta-zo.” (1 aCor. 4:2). Anzoni kusala ayeke ngbâ ka na hondengo ni ape.—Diko 1 Timothée 5:25.

13. Tongana nyen la mo lingbi ti mû tapande ti Joseph tongana ambeni zo asara ye na mo na lege ni ape?

13 Zia Jéhovah aleke mo ti ga nzoni ahon ti kozo. Nyen la mo lingbi ti sara tongana ambeni zo asara ye na mo na lege ni ape? Peut-être mo lingbi ti leke tënë ni hio. Me, na ambeni ngoi, tongana mo gi ti luti nganganga, mo yeke sara si kpale ni aga kota. Aita ti Joseph asara ye na lo lani na lege ni ape, me lo bata tënë ni na bê ape. Na pekoni, a bi tënë na li ti Joseph senge senge nga a bi lo na kanga na mbana. Me lo zia si Jéhovah afa lege na lo na yâ ti angoi ti kpale so. Ye ti peko ni ayeke nyen? “Tënë ti L’Éternel atara lo.” (Ps. 105:19). Na ngoi so atara ni ahunzi, Joseph alingbi lani awe ti sara mbeni kua so ayeke nde (Gen. 41:37-44; 45:4-8). Na ngoi so mo tingbi na angangu kpale, sambela ti wara ndara, sara ye nga sara tënë na nzoni bê nga hunda na Nzapa ti mû na mo ngangu. Jéhovah ayeke mû maboko na mo.—Diko 1 Pierre 5:10.

GUE NA LI NI NA YÂ TI KUA TI FANGO TËNË

14, 15. (a) Ngbanga ti nyen a lingbi e “sara hange lakue” na fason ti fango tënë ti e? (b) Tongana nyen la mo lingbi ti sara changement alingbi na aye so asi? (Bâ foto so ayeke na tongo nda ti article ni nga na encadré “ Mo yeke nduru ti tara mbeni kode nde?”)

14 Paul atene na Timothée: “Mo ngbâ ti mû bê ti mo kue na dikongo mbeti na gbele azo, na mungo wango na ala nga na fango ye na ala. Mo sara hange lakue na aye so abâ mo nga na fango ye ti mo.” (1 Tim. 4:13, 16). Timothée afa tënë asara angu mingi lani awe. Ye oko, fango tënë ti lo ayeke ga nzoni gi tongana lo “sara hange lakue” na fango ye ti lo. Timothée ahinga lani so azo nga na aye ayeke changé changengo. Lo ye ti tene azo angbâ lakue ti mä lo, tongaso, a lingbi lo ngbâ lakue ti fa ye nzoni ahon ti kozo nga ti changé akode so lo yeke fa na ye na ala. So e yeke awafango tënë ti Royaume, a lingbi e nga kue e sara tongaso.

15 E yeke bâ ka so azo ayeke na yanga-da ape na ngoi so e yeke fa tënë da na da. Na ambeni ndo, ambeni da ayeke dä so a mû lege na e ti si dä ape. Tongana a yeke nga tongaso na yâ ti territoire ti mo, mo lingbi ti tara ti fa nzoni tënë na ambeni kode nde.

16. Tongana nyen la fango tënë na ndo so azo ayeke dä mingi alingbi ti duti mbeni kode so ayeke pendere mingi?

16 Mbeni kode ti fango tënë so ayeke pendere mingi ayeke fango tënë na ndo so azo ayeke dä mingi. Aita mingi afa tënë na pendere kode so nga ala wara ye ti nzoni dä. Ala yeke gue na aplace so atrain, abus ayeke luti dä, na yâ ti agara nga na ando so azo ayeke dä mingi ti fa tënë. Mbeni Témoin so ahinga ti bâ yâ ti aye nzoni alingbi ti komanse lisoro na mbeni zo na ndo ti aye so lo diko na yâ ti mbeti-sango, wala na gondango amolenge ti mbeni zo wala na  hundango tënë na ndo ti kua ti zo ni. Na ngoi so lisoro ni ayeke kporo, wafango tënë ni alingbi ti yôro mbeni bango ndo ti Bible na yâ ni nga lo hunda bango ndo ti zo ni na ndo ni. Kiringo tënë ti zo ni ayeke zi ka lege ti sara lisoro mingi na ndo ti Bible.

17, 18. (a) Tongana nyen la mo lingbi ti hon ndo ti mbeto si mo fa tënë nzoni ahon ti kozo na ndo so azo ayeke dä mingi? (b) Ngbanga ti nyen mo bâ so bibe ti David so agonda Jéhovah ayeke kota ye mingi ndali ti mo tongana mo yeke fa tënë?

17 Tongana mo bâ so fango tënë na ndo so azo ayeke dä mingi akpengba na mo, zia lege ni ape. Eddie, so ayeke mbeni pionnier na gbata ti New York City, ayeke gi bê lani na ndo ti sarango tënë na mbeni zo na lê ti azo. Tongana ngoi ayeke hon, lo bâ so mbeto ti sarango tënë na lê ti azo asara lo encore ape. Nyen la amû maboko na lo? Lo tene: “Na ngoi so e yeke voro Nzapa na sewa, mbi na wali ti mbi e sara recherche ti wara akiringo tënë na atënë so azo ayeke tene ka ti kanga lege na e ti fa tënë na ala. E hunda nga wango na ambeni Témoin.” Eddie aye fadeso ti fa tënë mingi na ndo so azo ayeke dä mingi.

18 Tongana e ye fango tënë mingi nga e maï kode ti sarango tënë ti e na azo na ndo ti nzoni tënë, azo ayeke bâ guengo na li ni ti e na lege ti yingo. (Diko 1 Timothée 4:15.) Nga, e lingbi même ti mû maboko na azo ti ga awakua ti Jéhovah. David atene: “Fade mbi sara tënë nzoni na L’Éternel lakue, na mbi sepela Lo na yanga ti mbi lakue. Fade âme ti mbi asara bia na L’Éternel; na fade azo ti vundu amä tënë so, na ala yeke na ngia.”—Ps. 34:2, 3.

MÛ GLOIRE NA NZAPA NA GUENGO NA LI NI NA LEGE TI YINGO

19. Ngbanga ti nyen a lingbi mbeni wakua be-ta-zo ti Jéhovah aduti na ngia même tongana ambeni kpale akanga lege na lo ti fa tënë tongana ti kozo?

19 David nga ahe bia lo tene: “Fade kusala ti Mo kue amû singila na Mo, O L’Éternel. Na fade azo ti Mo ti nzobe asara tënë nzoni na Mo. Fade ala sara tënë ti gloire ti royaume ti Mo, na ala sara tënë ti ngangu ti Mo, ti fa na amolenge ti azo kusala ti ngangu ti Mo, na kota gloire ti royaume ti Mo.” (Ps. 145:10-12). Atënë so afa biani tënë ti bê ti aTémoin ti Jéhovah kue so ayeke be-ta-zo. Ka tongana kobela wala ngu ti mo so ague na li ni mingi asara si mo fa tënë mingi ape? Dabe ti mo lakue so tongana mo yeke fa tënë na azo so ayeke soigné mo wala na ambeni zo, kusala ti mo so ayeke nzoni-kue ayeke mû gonda na Nzapa. Tongana a kanga mo ndali ti mabe ti mo, mo lingbi peut-être lakue ti sara tënë na azo na ndo ti Jéhovah, na ye so ayeke zia ngia na bê ti lo (aProv. 27:11). A yeke nzere nga na lo mingi tongana mo voro lo atâa so tanga ti azo ti sewa ti mo ayeke voro lo ape (1 Pi. 3:1-4). Même na yâ ti angangu kpale, mo lingbi ti gonda Jéhovah nga ti gue na li ni na lege ti yingo.

20, 21. Tongana a mû na mo akua mingi ti sara na yâ ti bungbi ti Jéhovah, tongana nyen la mo lingbi ti sara si aita awara ye ti nzoni dä?

20 Jéhovah ayeke iri tënë nzoni na ndo ti mo biani tongana mo ngbâ ti gue na li ni na lege ti yingo. Peut-être tongana mo sara akete changement na yâ ti kapa ti mo wala na yâ ti dutingo ti mo, mo lingbi ti wara lege ti mû maboko na azo ti hinga ye na ndo ti apendere zendo ti Nzapa. Na ndo ni, guengo na li ni ti mo na lege ti yingo nga sacrifice so mo yeke sara alingbi ti ga na aye ti nzoni mingi na amba ti mo Chrétien. Nga, ndali ti a-effort so mo yeke sara na yâ ti congrégation na sarango tere ti mo kete, mo yeke wara ye ti nzoni na peko ni na lege so amba ti mo so aye Jéhovah ayeke ye mo, ala yeke gonda mo nga ala yeke mû maboko na mo.

21 Atâa e yeke sara na Jéhovah asara angu mingi awe wala gi teti ambeni nze, e kue e lingbi ti gue na li ni na lege ti yingo na yâ ti vorongo lo. Me tongana nyen la aita so akpengba alingbi ti mû maboko na afini zo ti gue na li ni? E yeke sara tënë na ndo ni na yâ ti article ti peko.