Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO NO. 3 2016

 KOTA MAMA-TENE NI

Tongana mbeni zo so e ye lo mingi akui

Tongana mbeni zo so e ye lo mingi akui

“Nzapa ahinga aye kue. . . Toto ape, mama.”

A yeke tënë so a tene na mbeni wali so iri ti lo ayeke Bebe, na ngoi so lo gue ti lu kuâ ti babâ ti lo, so akui na yâ ti mbeni accident.

Bebe aye lani babâ ti lo mingi. Mbeni kamarade ti sewa ti lo la atene tënë ni so na lo, me na sioni bê ape. Me tënë ni so ason bê Bebe mingi. Lo wani lo tene: “So babâ ti akui so a yeke ngbanga ti nzoni ti mbi ape.” Angu mingi na pekoni, tongana Bebe asara tënë ti accident ni na yâ ti mbeni buku, a bâ polele so lo ngbâ ti sara encore vundu mingi.

Bebe aga ti bâ so, a peut ti hunda angoi mingi na mbeni zo ti tene lo hon ndo ti vundu ti kuâ, mbilimbili tongana lo na wakuâ ni aye tere mingi. Na yâ ti Bible, a haka kuâ na “ndangba wato”. (1 aCorinthien 15:26). Kuâ ayeke buba yâ ti gigi ti e na ye oko apeut ti kanga lege na lo ape. Lo yeke si ka gi gbagburu, nga lo yeke fâ azo so e ye ala mingi. E kue e yeke bâ pasi ndali ti lo. Ni la, a yeke na lege ni ti tene e bâ so e lingbi ape ti luti na lê ti kuâ nga na aye so asi na pekoni.

Peut-être mo yeke hunda tere ti mo: ‘A yeke hunda na mbi ngoi oke ti tene mbi hon ndo ti vundu ni so? Nyen la mbeni zo apeut ti sara ti hon ndo ti vundu ti kuâ? Tongana nyen la mbi peut ti dë bê ti ambeni zo so ayeke na yâ ti vundu? Eskê mbeni beku ayeke dä ndali ti azo so e ye ala mingi si akui so?