Lege ti wara ye ni

Soro mbeni yanga ti kodoro

Gue na gbe ti menu

Gue na li ti atënë ni

Gue na tënë ti yâ ni

aTémoin ti Jéhovah

Sango

TOUR TI BA NDO NO. 3 2016

Iri ti Nzapa so ayeke na yâ ti mbeni ngbene kugbe-mbeti ti Bible

Bible atene ti lo nyen?

Bible atene ti lo nyen?

Eskê Nzapa ayeke na iri?

AMBENI ZO ATENE so lo yeke na iri ape, ambeni atene ti ala so iri ti lo ayeke gi Nzapa wala Seigneur awe. Me ti ambeni, ala tene so lo yeke na gbâ ti iri. Ka mo, mo tene ti mo nyen?

YE SO BIBLE AFA

“Mo so iri ti mo ayeke Jéhovah, Mo oko la Mo yeke na nduzu na ndö ti aye kue, même na ndö ti sese kue.”Psaume 83:18, FD

AMBENI YE SO BIBLE AFA NA NDO NI

  • Atâa so Nzapa ayeke na atitre mingi, lo wani lo zia gi iri oko na ndo ti lo.Exode 3:15.

  • Nzapa ayeke pëpe mbeni zo so azo agi li ti ala na lo gbä, me lo ye si e kue hinga lo.Kusala 17:27.

  • Tongana e ye ti ga kamarade ti Nzapa, a lingbi e gi kozo ti hinga iri ti lo.Jacques 4:8.

A yeke sioni ti di iri ti Nzapa?

KIRINGO TËNË TI MO AYEKE . . .

  • En

  • Ên-ën

  • Mbi hinga ape

YE SO BIBLE AFA

“A lingbi mo di iri ti L’Éternel [Jéhovah] Nzapa ti mo senge senge pëpe.” (Exode 20:7). Ye so ayeke gi na lege ni ape a yeke ti sara kua na iri ti Nzapa na mbeni lege so afa so e ne ni ape.Jérémie 29:9.

AMBENI YE SO BIBLE AFA NA NDO NI

  • Jésus ahinga iri ti Nzapa nga lo sara kua na ni.Jean 17:25, 26.

  • Nzapa aye si e iri lo na tâ iri ti lo. Psaume 105:1.

  • Awato ti Nzapa aye ti sara si azo agirisa iri ti lo.Jérémie 23:27.

 

TI HINGA AMBENI TËNË

Nzapa ayeke na iri?

Nzapa ayeke na atitre mingi so na popo ni, Lo ti Ngangu Ahon Kue, Lo so aleke aye kue, nga na Seigneur. Me a sara kua na tâ iri ti Nzapa ahon fani 7 000 na yâ ti Bible.