Ndokoni pa mphangwa

Pitani pa tsamba ya Pyankati

 KUKHALA MASO NINGA AKRISTU

Phedzani Banjanu Toera Ikhonde Kuduwala Yahova

Phedzani Banjanu Toera Ikhonde Kuduwala Yahova

Yeremiya akhadapaswa basa yakudziwisa Ayuda kuti akhali cifupi na kufudzwa thangwi iwo akhadaduwala Mulungu wawo, Yahova. (Yer. 13:25) Ninji pidacitisa Ayuda kuduwala Yahova? Mabanja Aisraeli akhadaluza makhaliro awo auzimu. Pyenepi pikhacitika thangwi misolo ya mabanja nee ikhabvera uphungu wa Yahova unagumanika pa Deuteronomyo 6:5-7.

Mabanja akuwanga mwauzimu asacitisa kuti mipingo yathu lero ikhale yakukhazikika. Misolo ya mabanja inakwanisa kuphedza mabanja awo toera akhonde kuduwala Yahova angacita Kulambira kwawo kwa Banja kwakuphata ntima masumana onsene. (Masal. 22:27) Pakumala kuona vidyu yakuti ‘Estas Palavras Têm de Estar sobre o Seu Coração’—Entrevistas com famílias (‘Mafala Awa Akoyeni mu Ntima Mwanu!’) tawirani mibvundzo iyi:

  • Kodi mabanja anango asakwanisa tani kukunda pinentso pinacimwanisa anthu azinji kukhonda kucita kulambira kwawo kwa banja?

  • Ndi nkhombo zipi zinakhala na ife thangwi yakucita Kulambira kwa Banja kwakuphata ntima masumana onsene?

  • Thangwi ya kulambira kwa banja, ndi nkandzo upi unathimbana na ine, pontho ndisacitanji toera kuumalisa?