Ndokoni pa mphangwa

Pitani pa tsamba ya Pyankati

 NYIMBO 137

Akazi Akukhulupirika, Alongo Acikristu

Select an Audio Recording
Akazi Akukhulupirika, Alongo Acikristu
ONANI

(Aroma 16:2)

  1. 1. Sara, Esteri, Mariya na Rute,

    Iwo akhali akazi aphinga.

    Cikhulupiro na ufuni wawo

    Ndi citsandzo kuna ife tonsene.

    Anango nee alongwa madzina

    Mbwenye alambira Yahova mwaphinga.

  2. 2. Akazi anewa apangizambo

    Kukoma ntima, cipapo, udidi.

    Ndi makhaliro anafuna ife

    Kupangiza kuna anthu anango.

    Cincino, alongo Acikristu

    Ndi acitsandzo na akunyindirika.

  3. 3. Akazi akulu na atsikana,

    Phatani basa mwakuperekeka.

    Pontho khalani akucepeseka

    Toera mukomerese Mulungu.

    Yahova anadzakuphedzani

    Kupirira mpaka mutambire nkhombo.