Ndokoni pa mphangwa

Pitani pa tsamba ya Pyankati

NSOLO 01

Bhibhlya Inakuphedzani Tani?

Bhibhlya Inakuphedzani Tani?

Azinji a ife asacita mibvundzo thangwi ya umaso, nyatwa, kufa na tsogolo. Ife tisadzudzumikambo na pinthu pya ntsiku na ntsiku, ninga kugumana kobiri peno kukhala na banja yakutsandzaya. Anthu azinji adzindikira kuti Bhibhlya nee inatiphedza basi ene toera kutawira mibvundzo yakufunika mu umaso, mbwenye isatipasambo uphungu wadidi toera kukhala na umaso wakutsandzaya. Musanyerezera kuti Bhibhlya inakwanisa kuphedza munthu anadziwa imwe?

1. Ndi mibvundzo ipi inango inatawira Bhibhlya?

Bhibhlya isatawira mibvundzo iyi yakufunika: Umaso watoma tani? Ndi cipi cifuniro ca umaso? Thangwi yanji anthu asathabuka? Ninji pinacitika munthu angafa? Khala anthu onsene asafuna ntendere, thangwi yanji pasaoneka nkhondo? Ninji pinafuna kucitikira dziko yapantsi? Si pyakuipa tayu kucita mibvundzo ineyi. Anthu azinji adzindikira kuti mitawiro inagumanika m’Bhibhlya thangwi ya mibvundzo ineyi ndi yadidi kakamwe.

2. Bhibhlya inatiphedza tani toera tikhale akutsandzaya ntsiku zonsene?

Bhibhlya isatipasa uphungu wadidi. Mwacitsandzo, iyo isaphedza mabanja toera kukhala na kutsandzaya kwandimomwene. Iyo isatipangambo kuti tinamalisa tani kutsukwala, pontho tinakhala tani akutsandzaya m’basa yathu. Bhruxura ino inakuphedzani toera kudziwa kuti Bhibhlya isapfundzisanji thangwi ya mphangwa zenezi na zinango. Panango imwe musatawira kuti ‘Malemba onsene peno Bhibhlya yonsene isaphedza.’2 Timoti 3:16.

Bhruxura ino nkhabe kupitira mbuto Bhibhlya. Mbwenye inakuphedzani toera kudziwa mwadidi Bhibhlya. Natenepa, tisakuphembani toera muleri malemba anagumanika mu nsolo ubodzi na ubodzi, pontho landanisani pinalonga Bhibhlya na pire pinapfundza imwe.

DZIWANI PIZINJI

Onani kuti Bhibhlya isaphedza tani anthu, munacitanji toera kukomerwa na kuleri Bhibhlya, pontho thangwi yanji mphyadidi kukhala na munthu toera akuphedzeni kuibvesesa.

3. Bhibhlya inakwanisa kutitsogolera

Bhibhlya ndi ninga ceza ca toci. Iyo inakwanisa kutiphedza toera ticite pisankhulo pyadidi, pontho isalonga pinthu pinafuna kucitika ntsogolo.

Lerini Masalmo 119:105, buluka penepo cedzani thangwi ya mibvundzo iyi:

  • Nyakulemba bukhu ineyi ya Masalmo akhaona tani Bhibhlya?

  • Imwe musaionambo tani Bhibhlya?

4. Bhibhlya inakwanisa kutawira mibvundzo yathu

Onani kuti Bhibhlya yaphedza tani nkazi m’bodzi toera kugumana mitawiro ya mibvundzo yakuti ikhandzudzumisa mu pyaka pizinji. Onani VIDHYU, buluka penepo cedzani thangwi ya mibvundzo inatowera.

  • Mu vidhyu, ndi mibvundzo ipi ikhali na nkazi?

  • Kupfundza Bhibhlya kwam’phedza tani?

Bhibhlya isatikulumiza toera tisake mitawiro ya mibvundzo yathu. Lerini Mateu 7:7, buluka penepo cedzani thangwi ya mbvundzo uyu:

  • Ndi mibvundzo ipi inafuna imwe kuti Bhibhlya ikutawireni?

5. Imwe munakwanisa kukomerwa na kuleri Bhibhlya

Anthu azinji asakomerwa na kuleri Bhibhlya, pontho pyenepi pisaaphedza kakamwe. Onani VIDHYU, buluka penepo cedzani thangwi ya mibvundzo inatowera.

  • Mu vidhyu idamala ife kuona, thangwi yanji aphale na atsikana nee akhakomerwa na kuleri?

  • Thangwi yanji cincino iwo asakomerwa na kuleri Bhibhlya?

Mphangwa za m’Bhibhlya zisatibalangaza, pontho zisatipasa cidikhiro. Lerini Aroma 15:4, buluka penepo cedzani thangwi ya mbvundzo uyu:

  • Musafuna kudziwa pizinji thangwi ya mapikiro a m’Bhibhlya analonga pya cibalangazo na cidikhiro?

6. Anthu anango anakwanisa kutiphedza kubvesesa Bhibhlya

Kusiyapo kuleri Bhibhlya okhene, azinji adzindikira kuti kucedza na anango thangwi ya pinalonga Bhibhlya kusaphedza kakamwe. Lerini Mabasa 8:26-31, buluka penepo cedzani thangwi ya mbvundzo uyu:

Mu bukhu ya Mabasa, mamuna m’bodzi akhafuna ciphedzo toera kubvesesa Malemba. Anthu azinji lero asaonambo kuti mphyadidi kakamwe kucedza na anango thangwi ya Bhibhlya

ANANGO ASALONGA: “Kupfundza Bhibhlya ndi kubvunga ndzidzi.”

  • Ndi api maonero anu? Thangwi yanji?

MWAPFUNDZANJI?

Bhibhlya isatipasa uphungu mu umaso wathu wa ntsiku na ntsiku, isatawira mibvundzo yakufunika, isatibalangaza, pontho isatipasa cidikhiro.

Mibvundzo Yakubwereza

  • Ndi uphungu upi wakuti tinakwanisa kuugumana m’Bhibhlya?

  • Ndi mibvundzo ipi inango inatawira Bhibhlya?

  • Mbamudakomerwa kupfundzanji m’Bhibhlya?

Cifuno Canga

TOERA KUDZIWA PIZINJI

Onani kuti Bhibhlya yaphedza tani mamuna wakuti akhathimbana na manyerezero akuipa kutomera mu uwana wace.

Ndatoma Tani Kutsandzaya mu Umaso Wanga (2:53)

Onani uphungu unapereka Bhibhlya toera kukhala na banja yakutsandzaya.

“12 Segredos Para Uma Família Ser Feliz” (Despertai! n.º 2 de 2018)

Azinji asalonga kuti ndi Mulungu anatonga dziko. Kodi unoyu ndi undimomwene? Onani pinalonga Bhibhlya.

Thangwi Yanji Tisafunika Kupfundza Bhibhlya?Vidhyu Yonsene  (3:14)