Ndokoni pa mphangwa

Pitani pa tsamba ya Pyankati

 KHUNDU 1

Kodi Tinabvesera Tani Mulungu?

Kodi Tinabvesera Tani Mulungu?

Mulungu asalonga na ife kubulukira m’Bhibhlya. 2 Timoti 3:16

Mulungu wandimomwene alonga na amuna toera alembe manyerezero ace m’Bhibhlya. Bhibhlya iri na mphangwa zakufunika kakamwe zakuti Mulungu asafuna kuti muzidziwe.

Mulungu asadziwa pinafuna ife, thangwi iye ndi wacidziwiso kakamwe kupiringana munthu onsene. Mungabvesera Mulungu, munadzakhala na cidziwiso candimomwene.—Misangani 1:5.

Mulungu asafuna kuti anthu onsene pa dziko yapantsi aleri Bhibhlya. Cincino iyo isagumanika mu pilongero pizinji.

Khala musafuna kubvesera Mulungu, musafunika kuleri na kubvesesa mwadidi Bhibhlya.

 Konsene kwene anthu ali kubvesera Mulungu. Mateo 28:18

Mboni za Yahova zinakwanisa kukuphedzani toera kubvesesa mwadidi Bhibhlya.

Izo zisapfunzisa undimomwene thangwi ya Mulungu mu dziko yonsene yapantsi.

Imwe nee munadzalipa kobiri toera kupfunziswa. Munakwanisambo kupfunza thangwi ya Mulungu pa Nyumba ya Umambo ya Mboni za Yahova inagumanika pa cisa canu.