Yoswa 12:1-24
12 Awa ndi amambo adakundwa na Aizraeli kumabulukiro a dzuwa a Yordani, akuti madziko awo, Aizraeli aakwata kutomera ku Gowa ya Arnoni*+ mpaka Kuphiri ya Ermoni+ na kumabulukiro a dzuwa konsene kwa Arabha:+
2 Mambo Sihoni+ wa Aamori wakuti akakhala ku Esibhoni, atonga nzinda wa Aroeri+ wakuti ukhali nʼkhundu mwa Gowa ya Arnoni.*+ Cisa consene kutomera pakati pa gowa ya Arnoni mpaka ku Gowa* ya Yaboki cikhatongwa na iye. Iye atonga khundu ibodzi ya Jiliyadhi. Yaboki akhalimbo madire a Aamoni.
3 Iye akhatongambo ku Arabha mpaka kumabulukiro a dzuwa a Bara ya Kinereti,*+ pontho mpaka kumabulukiro a dzuwa a Bara ya Arabha yakuti ndi Bara ya Munyu.* Iye akhatonga ku Bheti-Jesimoti, dhuzi na Bara ya Munyu mpaka kunterero, dhuzi na phiri ya Pisga.+
4 Mambo unango adakundwa na Aizraeli ndi Ogi,+ mambo wa ku Bhasani, wakuti akhali wakumalisa mwa Arefaimu,+ pontho iye akakhala ku Asitaroti na ku Edhirei.
5 Iye akhatonga Kuphiri ya Ermoni, ku Saleka, ku Bhasani konsene+ mpaka kumadire a Ajesuri na Amaakati,+ kuphatanizambo khundu ibodzi ya Jiliyadhi mpaka ku dziko ya Mambo Sihoni wa ku Esibhoni.+
6 Mose ntumiki wa Yahova pabodzi na Aizraeli akunda amambo anewa.+ Buluka penepo, Mose ntumiki wa Yahova apereka dziko yawo kuna dzindza ya Rubheni, ya Gadhi na kuna hafu ya dzindza ya Manase.+
7 Yoswa pabodzi na Aizraeli akunda amambo a kumadokero a dzuwa a Yordani, kutomera ku Bhaale-Gadhi+ ku Gowa ya Libhano+ mpaka Kuphiri ya Alaki+ yakuti iri dhuzi na Seiri.+ Buluka penepo, Yoswa apereka dziko ineyi kuna madzindza a Izraeli mbaagawira mwakubverana na makhundu adapaswa iwo.+
8 Madziko anewa akhaphataniza cisa ca ku mapiri, Sefela, Arabha, cisa ca kunterero, cisa ca kuthando na ku Nejebhu.+ Ineyi ikhali dziko ya Aeti, Aamori,+ Akanani, Aperesi, Aeveu na Ayebusi.+ Amambo awo akhali awa:
9 Mambo wa ku Yeriko;+ mambo wa ku Ai,+ dhuzi na Bheteli;
10 mambo wa ku Yerusalemu; mambo wa ku Ebhroni;+
11 mambo wa ku Yarimuti; mambo wa ku Lakisi;
12 mambo wa ku Egloni; mambo wa ku Jezeri;+
13 mambo wa ku Dhebhiri;+ mambo wa ku Jedheri;
14 mambo wa ku Orma; mambo wa ku Aradhi;
15 mambo wa ku Libhina;+ mambo wa ku Adhulamu;
16 mambo wa ku Makedha;+ mambo wa ku Bheteli;+
17 mambo wa ku Tapuwa; mambo wa ku Eferi;
18 mambo wa ku Afeki; mambo wa ku Lasaroni;
19 mambo wa ku Madhoni; mambo wa ku Azori;+
20 mambo wa ku Simironi-Meroni; mambo wa ku Akisafe;
21 mambo wa ku Tanaki; mambo wa ku Mejidho;
22 mambo wa ku Kedhesi; mambo wa ku Yokineyamu+ ku Karmelo;
23 mambo wa ku Dhori+ kunterero kwa phiri ya Dhori; mambo wa ku Goimu ku Jiligale;
24 mambo wa ku Tirza; amambo onsene akhali akukwana 31.
Pidzindikiro Pyapantsi
^ Peno: “Uwadhi Arnoni.”
^ Peno: “Uwadhi ya Arnoni.”
^ Peno: “Uwadhi.”
^ Ineyi ndi Bara Yakufa.
^ Ineyi ndi gowa ya Jenezareti, peno Bara ya Galileya.
