Misangani 6:1-35
6 Mwananga, ungapikira kuti unalipa pidafiyari ndzako,*+Ungacita cibverano na munthu anakhonda iwe kudziwa,+
2 Khala wacimwana kucita pidapikira iwe,Khala waphatwa na mafala a pamulomo pako,+
3 Mwananga, nakuti wagwa mʼmanja mwa ndzako,Toera upulumuke, cita ipi:
Ndoko ukacepeseke, mbudembetera ndzako mwakucimbiza.+
4 Leka kufunga maso ako toera kugona,Leka kupumisa maso ako.
5 Thawa ninga mbawala inathawa mʼmanja mwa nyakusodza,Ninga mbalame inathawa mʼmanja mwa nyakuteyera mbalame.
6 Iwe nyakupolola,+ ndoko kaone nyerere mbupfundza;Ona pinacita izo mbukhala waudziwisi.
7 Maseze izo nkhabe ntsogoleri, nkulu peno ntongi,
8 Izo zisakhunganya cakudya mʼmalimwe,+Pontho zisagumanya cakudya mu ndzidzi unabvuna anthu.
9 Iwe nyakupolola, unapitiriza kugona penepo mpaka lini?
Unalamuka lini ncitulo?
10 Kugona pangʼono, kuodzira pangʼono,Kufunya mikono pangʼono toera kupuma,+
11 Kutcerenga kwako kunafika ninga mbava,Pontho kusowa kwako kunafika ninga munthu wakuti ali na cida.+
12 Munthu wakuipa na wakusowa basa ndzidzi onsene asalonga pyauthambi;+
13 Iye asapfinya diso yace,+ asacita cidzindikiro na mwendo mbathonya na pyala pyace.
14 Na ntima wakuipa,Iye ndzidzi onsene asanyerezera kucitira andzace pyakuipa+ mbasosesa nthonga.+
15 Na thangwi ineyi, nyatwa zinadzanʼgwera mwakututumusa;Mwakucimbiza iye anafudzwa mbacimwana kondzeka.+
16 Pana pinthu pitanthatu pyakuti Yahova asapiida;Inde, pinthu pinomwe pinanyanyasirwa na iye:
17 Maso akudzikuza,+ lirimi yakulonga uthambi,+ manja anapha anthu akusowa mulando,+
18 Ntima unanyerezera kucitira anango pyakuipa,+ miyendo inathamanga toera kucita pyakuipa,
19 Mboni wauthambi wakuti asalonga uthambi ndzidzi onsene,+Na ale onsene anasosesa nthonga pakati pa abale.+
20 Mwananga, bvera matongero a pai wako,Pontho leka kupwaza cipfundziso ca* mai wako.+
21 Pinalonga iwo ndzidzi onsene pikoye muntima mwako;Mbupimangira nʼkhosi mwako.
22 Ungafamba, ipyo pinakutsogolera;Ungagona, ipyo pinakutsidzikiza;Ungalamuka, ipyo pinalonga na iwe.*
23 Thangwi matongero ndi nyale,+Mwambo ndi ceza,+Kusandika na kulanga ndi njira ya umaso.+
24 Ipyo pinakutsidzikiza kuna nkazi wakuipa,+Pontho pinakutsidzikiza ku mafala akutundusa a nkazi waulukwali.*+
25 Muntima mwako,+ leka kusirira kubalika kwace,Peno kutunduka na maso ace akubalika,
26 Munthu asasala ntcerengi*+ thangwi ya nkazi wauputa,Mbwenye nkazi waupomboWL25asasaka umaso wako wakufunika kakamwe.
27 Kodi munthu anakwanisa kugumanya makala a moto paditi pace nguwo yace mbikhonda kupya?+
28 Kodi munthu anakwanisa kufamba pa makala a moto manyalo ace mbakhonda kupya?
29 Pyenepi ndi sawasawa na munthu anapita mʼmabonde na nkazi wa ndzace;Nkhabe munthu anafuna kukhuya nkazi unoyu mbakhonda kutcunyuswa.+
30 Anthu nkhabe kupwaza mbava,Khala iye aba thangwi ali na njala.
31 Ngakhale tenepo, angaphatwa anabwezera kanomwe pinthu pidaba iye;Iye anadzapereka pinthu pyonsene pyadidi pya nʼnyumba mwace.+
32 Munthu anacita upombo na nkazi ndi wakusowa ndzeru;Munthu anacita pyenepi asafudza umaso wace.+
33 Basi ene iye anaphekeka mbapasika manyadzo,+Pontho manyadzo ace nkhabe kudzamala.+
34 Thangwi ntcanje isacitisa mamuna kuipirwa;Iye nkhabe kudzabvera ntsisi pakutcunyusa.+
35 Iye nee anatawira kupaswa kobiri,Iye nee anadzatawira, maseze apaswe muoni wa ntengo ukulu.
Pidzindikiro Pyapantsi
^ Pyenepi pisabveka kudumbira kuti angacimwana kulipa mangawa, analipa ndiye.
^ Peno: “mwambo wa.”
^ Peno: “pinakupfundzisa.”
^ Fala na Fala: “wakunja.” Onani Misangani 2:16.
^ Fala na Fala: “asasala ninga phindi ya nkate.”
