Masalmo 99:1-9
99 Yahova adzakhala Mambo.+ Mbumba mbazitetemere.
Iye akhala pa mpando wace waumambo padzulu* pa akerubhi.+ Dziko mbitekenyeke.
2 Yahova ndi wankulu ku Sioni,Pontho iye ali padzulu kakamwe pakati pa mbumba zonsene za anthu.+
3 Iwo mbasimbe dzina yanu ikulu,+Thangwi iyo ndi yakudzumisa na yakucena.
4 Imwe ndimwe mambo wamphambvu wakuti musafuna ulungami.+
Imwe mwakhazikisa mitemo ya pinthu pyadidi.
Imwe mwakhazikisa ulungami na pinthu pyadidi+ kuna Yakobe.
5 Simbani Yahova Mulungu wathu,+ pontho godamani* pana cakuikhira miyendo yace.+Iye ndi wakucena.+
6 Mose na Aroni akhali pakati pa anyantsembe ace,+Pontho Samweli akhali pakati pa ale akhacemera dzina yace.+
Iwo akhacemera Yahova,Pontho iye akhaatawira.+
7 Iye akhalonga nawo kubulukira mu khole.+
Iwo akhabvera macenjezo na mitemo ikhapereka iye kuna iwo.+
8 Yahova Mulungu wathu, imwe mwaatawira.+
Imwe mukhali Mulungu wakulekerera kuna iwo,+Mbwenye mwaatcunyusa thangwi ya madawo akhacita iwo.+
9 Simbani Yahova Mulungu wathu,+Pontho godamani* paphiri yace yakucena,+Thangwi Yahova Mulungu wathu ndi wakucena.+
