Masalmo 97:1-12
97 Yahova adzakhala Mambo!+
Dziko yapantsi mbitsandzaye.+
Ntsuwa zonsene mbizikomerwe.+
2 Iye azungulirwa na mitambo, pontho na cidima cikulu kakamwe;+Udidi na ulungami walikhisa mpando wace waumambo.+
3 Moto usaenda patsogolo pace+Mbupha anyamalwa ali nʼkhundu mwace.+
4 Njazi zace zisamwanikira dziko yapantsi;Dziko isaona pyenepi mbitetemera.+
5 Mapiri asanyunguluka ninga upula* pamaso pa Yahova,+Pamaso pa Mbuya wa dziko yonsene yapantsi.
6 Kudzulu kusadziwisa ulungami wace,Pontho mbumba zonsene zisaona mbiri yace.+
7 Mbapaswe manyadzo onsene anatumikira madzimunthu akusemwa,+Ale akuti asagaya thangwi ya alungu awo akusowa basa.+
Imwe alungu, monsene godamani* pamaso pace.+
8 Sioni abva pyenepi mbatsandzaya;+Mizinda ya* Yuda iri kutsandzayaThangwi imwe Yahova mwatonga mwaulungami.+
9 Thangwi imwe Yahova ndimwe Wankulu Kakamwe pa dziko yonsene yapantsi;Imwe muli padzulu kakamwe kupiringana alungu anango onsene.+
10 Imwe anafuna Yahova, idani pinthu pyakuipa.+
Iye asatsidzikiza umaso wa anthu ace akukhulupirika;+Iye asaapulumusa mʼmanja mwa* anyakucita pyakuipa.+
11 Ceza camwanikira anthu akulungama,+Pontho ale ali na mitima yadidi atsandzaya.
12 Imwe anthu akulungama, tsandzayani thangwi ya Yahova,Pontho simbani dzina yace yakucena.
Pidzindikiro Pyapantsi
^ Peno: “ninga vela.”
^ Peno: “lambirani.”
^ Fala na Fala: “ana akazi a.”
^ Peno: “mu mphambvu ya.”
