Masalmo 95:1-11

  • Ulambiri wandimomwene usaphataniza kubvera

    • “Lero, imwe mungabvesera fala yace” (7)

    • “Lekani kuumisa mitima yanu” (8)

    • “Iwo nkhabe kudzapita mʼmbuto idakhunganya ine toera kupuma” (11)

95  Bwerani, tendeni tikhuwe mwakutsandzaya kuna Yahova! Tendeni tikhuwe mwakukomerwa kuna Mwala wacipulumuso cathu.+   Tendeni kuna iye* mbatipereka takhuta;+Tendeni timuimbire mwakugaluza nyimbo yakuwina.   Thangwi Yahova ndi Mulungu wankulu,Ndi Mambo wankulu kupiringana alungu anango onsene.+   Mbuto zakuzika kakamwe za dziko yapantsi ziri mʼmanja mwace;Ntsonga za mapiri ndi zace.+   Bara idacita iye ndi yace,+Pontho manja ace acita mataka akuuma.+   Bwerani, tendeni tigodame mbatimulambira;Tendeni tigodame pamaso pa Yahova Nciti wathu.+   Thangwi iye ndi Mulungu wathu,Pontho ife ndife mbumba inakumbiza iye,Ndife mabira anatsalakana iye.*+ Lero, imwe mungabvesera fala yace,+   Lekani kuumisa mitima yanu ninga pidacita ambuyanu ku Meribha,*+Ninga pidacita iwo pa ntsiku ire ku Masa,* nʼthando,+   Mu ndzidzi udandiyesera iwo;+ Iwo andipenula, maseze iwo aona pinthu pidacita ine.+ 10  Thangwi mu pyaka 40 ine ndaipirwa na ubalwi unoyu, mbandilonga: “Iwo ndi mbumba yakuti ndzidzi onsene isatowera pinafuna mitima yawo;*Iwo nee afika pakudziwa njira zanga.” 11  Natenepa, ine ndadumbira mu ukali wanga kuti: “Iwo nkhabe kudzapita mʼmbuto idakhunganya ine toera kupuma.”+

Pidzindikiro Pyapantsi

Fala na Fala: “pamaso pace.”
Fala na Fala: “akuti ali mʼmanja mwace.”
Dzina ineyi isabveka “Kulongezana.”
Dzina ineyi isabveka “Kuyesera.”
Fala na Fala: “asatayika mʼmitima mwawo.”