Masalmo 94:1-23
94 Yahova Mulungu, imwe wakuti musabwezera pyakuipa kuna anyakucita pyakuipa,+Mulungu wakuti musabwezera pyakuipa kuna anyakucita pyakuipa, pangizani mbiri yanu.
2 Lamukani, imwe Ntongi wa dziko yapantsi.+
Tcunyusani anthu akudzikuza thangwi ya pidacita iwo.+
3 Yahova, mpaka lini,Mpaka lini anyakucita pyakuipa anapitiriza kutsandzaya?+
4 Iwo nkhabe nyerezera angafuna longa, pontho asalonga mwakudzikuza;Anyakucita pyakuipa onsene asagaya.
5 Yahova, iwo asanyedza mbumba yanu,+Pontho asathabusa unthaka wanu.
6 Iwo asapha akazi adaferwa na amunawo na anthu a dziko inango,Pontho asapha ana aumphawi.*
7 Iwo asalonga: “Yahova* nee akuona pyenepi;+Mulungu wa Yakobe nee asadziwa pinacitika.”+
8 Imwe anthu akusowa ndzeru, bvesesani ipi;Imwe madzemwa, munakhala lini na udziwisi?+
9 Kodi Ule adacita* makutu, nkhabe kwanisa kubva?
Ule adacita maso, nkhabe kwanisa kuona?+
10 Ule anasumula madzindza, anacimwana kusandika?+
Ndiye anapasa anthu udziwisi.+
11 Yahova asadziwa manyerezero a anthu,Iye asadziwa kuti manyerezero awo ndi ninga muya.+
12 Yahova,* nyakutsandzaya ndi munthu anasandikwa na imwe,+Ule anapfundzisa imwe mwambo wanu,+
13 Toera iye akhonde kudzudzumika mu ntsiku za nyatwa,Mpaka anyakucita pyakuipa akumbirwe djenje.+
14 Thangwi Yahova nkhabe kudzaduwala mbumba yace,+Pontho nkhabe kudzasiya unthaka wace.+
15 Anthu anadzatongwa pontho mwaulungami,Anthu onsene a mitima yadidi anadzaphedzera ulungami.
16 Mbani anafuna kunditsidzikiza kuna anthu akuipa?
Mbani anafuna kundiphedza toera kukunda anyakucita pyakuipa?
17 Yahova mbadakhonda kukhala mʼphedzi wanga,Ine mbidafa mwakucimbiza.+
18 Pidalonga ine kuti: “Miyendo yanga ikutherezeka,”
Imwe Yahova mwanditsidzikiza na ufuni wanu wakukhonda mala.+
19 Pidakundwa* ine na kupswipa ntima,*Imwe mwandibalangaza mbandikhala wakukhurudzika.*+
20 Imwe cipo munatonga pabodzi na atongi* anacita pyakuipa,Thangwi iwo asaphatisira mwambo toera kubweresa nyatwa.+
21 Munjira yakuipa iwo asakutira munthu wadidi,*+Pontho asatonga kuti munthu wakusowa mulando aphiwe.*+
22 Mbwenye Yahova anadzakhala mbuto yanga yakuthawira yakutsidzikizika,*Mulungu wanga ndi mwala wanga wakuthawira.+
23 Iye anacitisa kuti pinthu pyawo pyakuipa piadzere.+
Iye anaphatisira pyakuipa pinacita iwo toera kuafudza.*
Yahova Mulungu wathu anadzaafudza.*+
Pidzindikiro Pyapantsi
^ Peno: “ana adaferwa na pai.”
^ Fala na Fala: “Yah.” Yah ndi dzina ya Yahova ingalembwa mwacigwagwa.
^ Fala na Fala: “adasasanya.”
^ Fala na Fala: “Yah.” Yah ndi dzina ya Yahova ingalembwa mwacigwagwa.
^ Peno: “Pikhapitiriza.”
^ Peno: “kubalalika kwa manyerezero.”
^ Peno: “cibalangazo canu cakhurudza ntima wanga.”
^ Peno: “anyakutonga miseru.” Fala na Fala: “mpando waumambo.”
^ Fala na Fala: “Pontho asapasa mulando ciropa ca munthu wakusowa mulando.”
^ Peno: “umaso wa munthu wakulungama.”
^ Peno: “mbuto yakuthawira ya pa nthunda.”
^ Fala na Fala: “kuamatamisa.”
^ Fala na Fala: “anadzaamatamisa.”
