Masalmo 83:1-18
Nyimbo ya Azafe.+
83 Imwe Mulungu, lekani kumatama;+Lekani kupitiriza kumatama,* imwe Mulungu Wamphambvu Zonsene.
2 Onani! Anyamalwa anu akucita uviyaviya;+Ale anakuidani asacita pinthu mwakudzikuza.*
3 Mwakucenjera, iwo asacita masasanyiro mwacibisobiso toera acite pinthu pyakuipa kuna mbumba yanu;Iwo asabverana toera acite pinthu pyakuipa kuna ale anafuna imwe kakamwe.*
4 Iwo asalonga: “Bwerani, tendeni tifudze dzindza ya Izraeli,+Toera iyo iduwalike kwenda na kwenda.”
5 Iwo asacita masasanyiro pabodzi pene;*Iwo acita cibverano toera kumenyana na imwe.+
6 Misasa ya Aedhomi na ya Aijimaeli, Amoabhe+ na Aagarite,+
7 Ajebhali, Aamoni,+ Aamaleki,Afilisti+ pabodzi na anthu anakhala ku Tiro.+
8 Asirya+ acitambo cibverano na iwo;Iwo asaphedza* ana a Loti.*+ (Sela)
9 Citani kuna iwo ninga pidacita imwe kuna Amidhiyani,+Ninga pidacita imwe kuna Sizera na Yabhini ku nkulo* wa Kisoni.+
10 Iwo aphiwa ku Eni-Dhori;+Mbacitisa mataka kukhala na ndimu.
11 Citani kuna akadamu awo ninga pidacita imwe kuna Orebhi na Zebhi,+Pontho citani kuna atsogoleri awo ninga pidacita imwe kuna Zebha na Zalmuna,+
12 Iwo alonga: “Tendeni tikakwate dziko inakhala Mulungu toera ikhale yathu.”
13 Imwe Mulungu wanga, acitiseni kukhala ninga masamba akuuma akuti asamburuswa na mphepo,+Ninga mapesi anamburuswa na mphepo.
14 Ninga moto wakuti usapisa nsitu,Ninga malirimi a moto akuti asabvula mapiri,+
15 Natenepa, athamangiseni na mphepo yanu ikulu,+Pontho athuseni na condzi canu.+
16 Afambiseni tsuli-tsuli na manyadzo,Toera iwo asake dzina yanu, imwe Yahova.
17 Mbapaswe manyadzo, pontho mbathuswe kwenda na kwenda;Iwo mbapwazwe, pontho mbafudzwe;
18 Anthu mbadziwe kuti imwe dzina yanu ndi Yahova,+Ndimwe basi Wankulu Kakamwe pa dziko yonsene yapantsi.+
Pidzindikiro Pyapantsi
^ Peno: “kupitiriza kukhonda longa cinthu.”
^ Peno: “asalamusa misolo yawo.”
^ Fala na Fala: “kuna ale anatsidzikiza imwe.”
^ Fala na Fala: “Pabodzi pene, iwo asabverana na ntima ubodzi.”
^ “Ana a Loti,” ndi Amoabhe na Aamoni adalongwa pa vesi 6 na 7.
^ Fala na Fala: “adzakhala nkono wa.”
^ Peno: “uwadhi.”
