Masalmo 78:1-72
Masikili* a Azafe.+
78 Bveserani ntemo wanga,* imwe mbumba yanga;
Bveserani mwadidi* mafala a pamulomo panga.
2 Ndinadzafungula mulomo wanga toera kulonga nsangani.
Ndinadzalonga misangani ya ndzidzi wakale kakamwe.+
3 Pinthu pidabva ife na pinadziwa ife,Pire pidatipanga ababathu,+
4 Ife nee tinapibisira anawo;Ife tinapanga ubalwi unafuna kudza+Pinthu pyakuthema kusimbwa pidacita Yahova, mphambvu zace+Na pinthu pyakudzumisa pinacita iye.+
5 Iye apereka cenjezo pakati pa ana a YakobeMbakhazikisa ntemo mu Izraeli;Iye apanga ambuyathuKuti adziwise anawo pinthu pyenepi,+
6 Toera ubalwi unafuna kudza,Ana anafuna kubalwa, adziwe pyenepi.+
Toera iwo adzapangembo anawo pinthu pyenepi.+
7 Natenepa iwo anadzanyindira Mulungu.
Iwo nee anadzaduwala mabasa a Mulungu+Mbwenye anadzabvera mitemo yace.+
8 Penepo iwo nee anadzakhala ninga ambuyawo,Ubalwi wakuuma ntima na wakukhonda bvera,+Ubalwi wakuti mitima yawo nee ikhali yakukhunganyika,+Pontho wakuti nee ukhali wakukhulupirika kuna Mulungu.
9 Aefraimu akhadakwata mauta ninga pida pya nkhondo,Mbwenye athawa pa ntsiku ya nkhondo.
10 Iwo nee akoya cibverano ca Mulungu,+Pontho nee afamba mwakubverana na mwambo wace.+
11 Iwo aduwala pinthu pidacita iye,+Mabasace akudzumisa adaapangiza iye.+
12 Iye acita pinthu pyakudzumisa ambuyawo mbakaona,+Mu dziko ya Ejitu, cisa ca Zoani.+
13 Iye agawa bara toera iwo awambuke na penepo,Pontho acitisa madzi kulimira ninga mpanda.*+
14 Namasikati iye akhaatsogolera na khole,Pontho namasiku onsene iye akhaatsogolera na ceza ca moto.+
15 Iye aswa miyala nʼthando,Pontho iye aapasa madzi akumwa mbakwana nawo, ninga madzi akuti akhabuluka mʼbara yakuzika kakamwe.+
16 Iye abulusa madzi mazinji pamwala,Pontho acitisa madzi kuwewa ninga mikulo.+
17 Mbwenye iwo apitiriza kunʼdawiraPidasandukira iwo Mulungu Wakudzulu Kakamwe nʼthando;+
18 Iwo ayesera Mulungu mʼmitima mwawo+Pidaphemba iwo cakudya cikhafuna iwo kakamwe.
19 Natenepa iwo adungunyira Mulungu,Mbalonga: “Kodi Mulungu anakwanisa kutipasa cakudya* nʼthando?”+
20 Onani! Ndiye adamenya mwalaToera madzi abuluke, mbabuluka mazinji kakamwe.+
“Kodi iye anakwanisa kutipasa cakudya,Peno kupasa mbumba yace nyama?”+
21 Yahova pidabva iye pyenepi, aipirwa kakamwe;+Iye atumiza moto+ kuna ana a Yakobe,Pontho ukali wace wagwera Izraeli+
22 Thangwi iwo nee akhulupira Mulungu;+Iwo nee anyindira mphambvu zace toera kuapulumusa.
23 Natenepa iye apereka ntemo kuna makole kudzulu,Pontho iye afungula misuwo yakudzulu.
24 Iye aagwisira mana toera adye;Iye aapasa cakudya cakubuluka kudzulu.+
25 Anthu adya cakudya ca anyamphambvu;*+Iye aapasa cakudya cizinji toera iwo akhute.+
26 Iye acitisa mphepo yakumabulukiro a dzuwa kudzulu,Pontho na mphambvu zace acitisa kuti mphepo yakunterero ipepese.+
27 Iye agwisa nyama kuna iwo ninga pfumbi ya mataka,Agwisa mbalame ninga tcetca ya nʼkhundu mwa bara.
28 Iye azigwisa pakati pa nsasa wace,Nʼkhundu mwa misasa yace.
29 Iwo adya mbakhuta;Iye aapasa pikhafuna iwo.+
30 Mbwenye mbadzati kukhuta kakamwe,Cakudya mbaciri nkanwa mwawo,
31 Iwo agwerwa na ukali wa Mulungu.+
Iye apha anthu awo amphambvu kakamwe;+Iye apha aphale a Izraeli.
32 Mwakukhonda tsalakana pyenepi, iwo athimiza kunʼdawira,+Pontho iwo nee anʼkhulupira, maseze aona mabasace akudzumisa.+
33 Natenepa iye amalisa ntsiku za umaso wawo mwakucimbiza ninga muya,+Pontho mwakukhonda dikhira, iye aabweresera nyatwa mbafa.
34 Mbwenye ndzidzi onsene ukhatoma iye kuapha, iwo akhansaka;+Iwo akhabwerera, pontho akhasaka Mulungu,
35 Mbakumbuka kuti Mulungu akhali Mwala wawo,+Pontho kuti Mulungu Wakudzulu Kakamwe akhali Muomboli wawo.+
36 Mbwenye iwo ayesera kunʼnyengeza na milomo yawo,Pontho alonga uthambi kuna iye na malirimi awo.
37 Mitima yawo nee ikhali yakukhulupirika kuna iye;+Pontho iwo nee akhali akukhulupirika ku cibverano cace.+
38 Mbwenye iye akhaabvera ntsisi;+Iye akhalekerera* madodo awo, pontho nee akhaafudza.+
Kazinji kene iye akhabweza kuipirwa kwace+Mʼmbuto mwakupangiza ukali wace onsene.
39 Thangwi iye akhakumbuka kuti iwo ndi anthu,*+Mphepo yakuti isaenda mbikhonda kubwerera pontho.*
40 Iwo ansandukira kazinji kene nʼthando,+Pontho iwo antsukwalisa nʼthando.+
41 Mwakubwereza-bwereza iwo ayesera Mulungu,+Pontho iwo atsukwalisa Wakucena wa Izraeli.
42 Iwo nee akumbuka mphambvu zace,*Nee akumbuka ntsiku idaapulumusa* iye kuna anyamalwa awo,+
43 Kuti apangiza tani pidzindikiro pyace ku Ejitu+Na pirengo pyace mucisa ca Zoani,
44 Pontho kuti acinja tani madzi a mikulo ya Nilo kudza ciropa,+Iwo mbacimwana kumwa madzi awo ene.
45 Iye atumiza ntcentce zikulu toera kualuma,+Na matesi toera kuathabusa.+
46 Pidabvuna iwo, iye apipereka kuna anyadzombe,Misapo ya basa yawo yakuwanga iye aipereka kuna nthete zizinji.+
47 Iye apha na matalala miti yawo ya mauva+Na ya sikomoro.*
48 Iye apha na matalala pinyama pyawo pyakukwata mitolo,+Pontho apha pifuyo pyawo na njazi.*
49 Iye akhuthula ukali wace ukulu kuna iwo,Kuipirwa, pontho nyatwa,Atumiza misoka ya aanju kuna iwo toera iathabuse.
50 Iye afungulira njira ukali wace.
Iye nee acalira kuapha;Pontho iye aapha na muliri.
51 Pakumalisa, iye apha ana onsene autombo a ku Ejitu,+Ana akutoma adabalwa mʼmisasa ya Kamu.
52 Buluka penepo, iye abulusa mbumba yace ninga nkumbi+Mbaitsogolera nʼthando ninga mabira.
53 Iye aatsogolera mwakutsidzikizika,Pontho iwo nee akhagopa;+Bara yabiza anyamalwa awo.+
54 Iye aabweresa mu dziko yace yakucena,+Cisa ca mapiri cidakunda iye na djanja yace yamadyo.+
55 Iye athamangisa anthu a madzindza anango pakati pawo;+Iye aphatisira nkhambala yakupima nayo toera kuagawira unthaka;+Iye acitisa kuti madzindza a Izraeli akhale mʼmanyumba mwawo.+
56 Mbwenye iwo apitiriza kuyesera Mulungu Wakudzulu Kakamwe, mbansandukira;+Iwo nee abvera macenjezo ace.+
57 Iwo abwerera nduli mbacita pinthu mwaciphamaso ninga pikhacita ambuyawo.+
Iwo nee akhali akunyindirika, mbwenye akhali ninga uta wakudhemba.*+
58 Iwo akhantsukwalisa thangwi ya mbuto zawo za padzulu,+Pontho ancitisa kuipirwa* kakamwe thangwi ya madzimunthu awo akusemwa.+
59 Mulungu aona pyenepi mbaipirwa kakamwe,+Natenepa iye anyanyasirwa kakamwe na Izraeli.
60 Pakumalisa iye asiya tabhernakulo ya ku Silo,+Mu nsasa ukakhala iye pakati pa anthu.+
61 Iye atawirisa kuti cidzindikiro ca mphambvu Zace ciende ku ubitcu;Atawirisa kuti mbiri Yace iende mʼmanja mwa nyamalwa.+
62 Iye atawirisa kuti mbumba yace iphiwe na supada,+Pontho aipirwa kakamwe na unthaka wace.
63 Aphale ace aphiwa na moto,Pontho amiyali ace nee akhaimbirwabve nyimbo zakumanga banja.*
64 Anyantsembe ace aphiwa na supada,+Pontho akazawo nee aalira.+
65 Penepo Yahova alamuka ninga munthu wakuti akhagona,+Alamuka ninga nyankhondo wamphambvu+ wakuti akhadaledzera na vinyu.
66 Iye athamangisa anyamalwa ace;+Iye aacitisa kuti akhale na manyadzo kwenda na kwenda.
67 Iye akhonda dzindza ya Zuze;Iye nee asankhula dzindza ya Efraimu.
68 Mbwenye iye asankhula dzindza ya Yuda,+Phiri ya Sioni yakuti iye asaifuna kakamwe.+
69 Iye acitisa mbuto yace yakucena kukhala ya kwenda na kwenda ninga kudzulu,*+Ninga dziko yapantsi, idakhazikisa iye toera ikhale kwenda na kwenda.+
70 Iye asankhula ntumiki wace Dhavidhi,+Mbamʼbulusa pakati pa mathanga a mabira,+
71 Kubulukira pakutsalakana mabira akuyamwisa;Iye ancitisa kukhala nkumbizi wa Yakobe, mbumba yace,+Na wa Izraeli, unthaka wace.+
72 Iye* aakumbiza na ntima wakukhulupirika,+Pontho iye aatsogolera mwaluso.+
Pidzindikiro Pyapantsi
^ Onani Mabvekero a Mafala Anango.
^ Peno: “pitsogolero pyanga.”
^ Fala na Fala: “Pendamisani makutu anu kuna.”
^ Peno: “bharaje.”
^ Fala na Fala: “meza.”
^ Peno: “aanju.”
^ Fala na Fala: “akhaphimbira.”
^ Fala na Fala: “nyama.”
^ Munjira inango: “Umaso wakuti usaenda mbukhonda kubwerera pontho.”
^ Fala na Fala: “djanja yace.”
^ Fala na Fala: “idaaombola.”
^ Ntundu unango wa muti wa nsambvu.
^ Munjira inango: “kuferuka kakamwe.”
^ Peno: “wakudhamba.”
^ Peno: “ntcanje.”
^ Fala na Fala: “Pontho amiyali ace nee akhasimbwa.”
^ Fala na Fala: “Iye amanga mbuto yace yakucena ninga nthunda.”
^ Unoyu ndi Dhavidhi.
