Masalmo 67:1-7

  • Anthu a mʼmakhundu onsene a dziko yapantsi anadzagopa Mulungu

    • Anthu asafunika kudziwa njira za Mulungu (2)

    • ‘Anthu onsene mbasimbe Mulungu’ (3, 5)

    • “Mulungu anadzatipasa nkhombo” (6, 7)

Kuna nyakutsogolera nyimbo; toera iimbwe na pyakuimba napyo pya nkhambala. Nyimbo. 67  Mulungu anatibvera ntsisi, mbatipasa nkhombo;Iye anadzapangiza udidi wace kuna ife+ (Sela)   Toera dziko yonsene yapantsi idziwe njira zanu,+Pontho toera madzindza onsene adziwe kuti ndimwe Mpulumusi.+   Mulungu, anthu mbakusimbeni;Anthu onsene mbakusimbeni.   Mbatsandzaye madzindza, pontho mbakhuwe mwakukomerwa,+Thangwi imwe munadzatonga anthu mwaulungami.+ Imwe munadzatsogolera madzindza a pa dziko yapantsi. (Sela)   Mulungu, anthu mbakusimbeni;Anthu onsene mbakusimbeni.   Mataka anadzabala misapo yace;+Mulungu wakuti ndi Mulungu wathu, anadzatipasa nkhombo.+   Mulungu anadzatipasa nkhombo,Pontho anthu a mʼmakhundu onsene a dziko yapantsi anadzanʼgopa.*+

Pidzindikiro Pyapantsi

Peno: “anadzamulemedza.”